ބޭންކް އޮފް މޯލްޑިވްސްއިން ފ އަތޮޅުގެ މީހުން ދިރިއުޅޭ ހުރިހާ ރަށެއްގައި އޭތިއެމްގެ ހިދުމަތް ގާއިމްކޮށް މިއަދު ނިންމައިފިއެވެ.
ފ.އަތޮޅު މީހުން ދިރިއުޅޭ އެންމެ ފަހު ރަށެއްގެ ގޮތުން އޭޓީއެމް ބަހައްޓައި ނިންމާފައިވަނީ ދަރަނބޫދޫ އަދި މަގޫދޫގައެވެ.
މަގޫދޫގައި އޭޓީއެމް ޚިދުމަތް ތައާރަފްކުރުމަށް މިއަދު އެރަށުގައި ބޭއްވި ރަސްމިއްޔާތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި ވަޒީރުންނާއި ބީއެމްއެލްގެ ޗެއާޕަރސަން އަޙްމަދު ޢަލީ ޙަބީބާއި ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފާއި ބީއެމްއެލްގެ އިސްބޭފުޅުން ބައިވެރިވެ ވަޑައިގެންނެވިއެވެ.
ބީއެމްއެލުން މަގޫދޫގައި ބެހެއްޓި އޭޓިއެމް ހުޅުވުމުގެ ތެރެއިން... ފޮޓޯ: ރައީސް އޮފީސް
މިކަމަށްޓަކައި ބޭއްވި ހަފްލާގައި ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފް ވިދާޅުވީ، "ފ. އަތޮޅުގެ މީހުން ދިރިއުޅޭ ހުރިހާ ރަށެއްގައި 24 ގަޑިއިރު ޚިދުމަތް ލިބޭނެ އެންމެ ޒަމާނީ ފެންވަރުގެ ސެލްފް-ސަރވިސް އޭޓީއެމްގެ ޚިދުމަތް ގާއިމުކުރެވުމަކީ ބީއެމްއެލަށް ލިބޭ އުފަލެއްކަމަށެވެ.އަދި މިއީ އަމިއްލަ ރަށުގައި ތިބެގެން ފަސޭހައިން ވާސިލުވެވޭނެ ބޭންކިންގ ޚިދުމަތެއް ލިބޭނެ އިންތިޒާމުތައް ހަމަޖެއްސުމަށް ބޭންކުން ކުރަމުންދާ މަސައްކަތަށް ލިބުނު މުހިންމު ކުރިއެރުމެއްކަމަށް ޝަރީފް ވިދާޅުވިއެވެ.
މުޅި ރާއްޖެ ހިމެނޭ ބޭންކިންގ ވިއުގަޔަކާއެކު ބީއެމްއެލުން ވަނީ 20 އަތޮޅުގައި 42 ބްރާންޗް، 170 ސެލްފްސަރވިސް ބޭންކިންގ ސެންޓަރ، 228 އޭޓީއެމްގެ ހިދުމަތް ގާއިމްކޮށްފައެވެ.
Advertisement
This content is created and paid for by advertisers and does not involve Voice Journalists
