އިނގިރޭސިވިލާތުގެ ފަހަތުން، އޮސްޓްރޭލިއާ އަދި ކެނެޑާއިންވެސް ފަލަސްތީނު ދައުލަތެއްގެ ގޮތުގައި ބަލައިގަނެފިއެވެ.
އޮސްޓްރޭލިއާ އަދި ކެނެޑާ ސަރުކާރުން ރަސްމީ ގޮތެއްގައި ޕަލަސްތީނު ދައުލަތެއްގެ ގޮތުގައި ބަލައިގަނެފައިމިވަނީ ފަލަސްތީނުގެ ގައްޒާ އިސްރާއީލްގެ ބާރުގެ ދަށަށް ގެނައުމަށް ވަރުގަދަ އޮޕަރޭޝަނެއް ފަށާފައިވަނިކޮށެވެ.
ކެނެޑާގެ ބޮޑުވަޒީރު މާކް ކާނޭ ދެއްވި ސްޓޭޓްމަންޓެއްގައި ވިދާޅުވީ، ކެނެޑާއިން ފަލަސްތީނުގެ ދައުލަތް ޤަބޫލުކުރާކަން އިއުލާނުކުރާކަމަށާއި، އެޤައުމުން އޮތީ ފަލަސްތީނާއެކުގައިކަމަށެވެ. އޭނާ ވިދާޅުވީ ފަލަސްތީނު ދައުލަތް ބަލައިގަތުމަކީ ޓެރަރިޒަމަށް ސަޕޯޓްކުރުން ނޫންކަމަށާއި، މިއީ މިއަދު ގަބޫލުކުރަންޖެހޭ ބައިނަލްއަޤްވާމީ ހަމަ ކަމަށެވެ.
އޮސްޓްރޭލިއާގެ ބޮޑުވަޒީރު އަލްބަނީސް ވިދާޅުވީ އެ ޤައުމުން ފަލަސްތީނުގެ ދައުލަތް ރަސްމީކޮށް ބަލައިގަންނަކަން އިއުލާނުކުރާ ކަމަށާއި، އިނގިރޭސިވިލާތް އަދި ކެނެޑާގެ އިތުރުން އޮސްޓްރޭލިއާގެ މި ނިންމުމަކީ ޣައްޒާ ހަނގުރާމަ ހުއްޓާލުމަށް ލިބިގެންދާނޭ ބާރަކަށް ވާނޭކަމަށެވެ.
Advertisement
This content is created and paid for by advertisers and does not involve Voice Journalists
