ރިސޯޓުތަކުގައި ވެސް އޭޓީއެމްތައް ބަހައްޓަންވީ، އެއީ ނިޒާމަށް ކުރާ އިތުބާރު ބޮޑުވާނެ ކަމެއް: ފިރާގު
ގިނަ ރަށްތަކުގައި އޭޓީއެމްތައް ބެހެއްޓުމަކީ މައްސަލައެއްގެ ގޮތުގައި ބަލަން ނުޖެހޭނެ ކަމަށާއި، ރިސޯޓުތަކުގައި ވެސް އޭޓީއެމްތައް ބެހެއްޓޭނަމަ ބެހެއްޓުން ރަނގަޅުކަމަށް ރާއްޖޭގެ މަޝްހޫރު ޓްރެވަލް އެޖެންސީކަމުގައިވާ އޭސް ޓްރެވަލްސްގެ ވެރިޔާ އަދި ވިޔަފާރިވެރިޔާ މުޙައްމަދު ފިރާޤް ވިދާޅުވެއްޖެއެވެ.
ސޯޝަލް މީޑިޔާގައި ކުރެއްވި ޕޯސްޓެއްގައި ފިރާގު ވިދާޅުވީ، ގިނަ ރަށްތަކުގައި އޭޓީއެމްތައް ބެހެއްޓުމަކީ މައްސަލައެއްގެ ގޮތުގައި ބެލުމުގެ ބަދަލުގައި، އެކަމުން ބޭންކަށް އަދި އިގްތިސާދަށް ގިނަ ފައިދާތަކެއް ލިބޭނެކަން އެނގުމަކީ މުހިންމުކަމެއް ކަމަށެވެ.
އަދި އެކަމުން ރާއްޖެއަށް ޒިޔާރަތްކުރާ ފަތުރުވެރިންނަށް ވެސް ލުއިފަސޭހަކަން ލިބި، ފަސޭހަކަމާއެކު ސީދާ ބޭންކިން ނިޒާމުން ފައިސާ ނެގޭނެ ކަމަށް ފިރާގު ވިދާޅުވިއެވެ.
ދަތުރުކުރާ ފަތުރުވެރިންގެ ދަތުރުތައް އެއްވަރަކަށް ކުރިއަށްދާއިރު، އެކްސެސިބަލް އޭޓީއެމްތައް ހުރުމުން ފަސޭހަކަމާއެކު ސީދާ ބޭންކިން ނިޒާމުން ފައިސާ ނެގޭނެ އެވެ. މިއީ ފަތުރުވެރިންނަށް އިތުރުވާ ހޭދަތަށް ކުރުމަށް ފަސޭހަކަން އިތުރުކޮށްދިނުމުގެ އިތުރުން ބޭންކުއަށް އިތުރު ޔޫއެސްޑީ އިންފްލޯތައް ލިބި މެނޭޖްކުރެވޭނެ ކަމެއް ވެސް މެއެވެ.
އޭސް ޓްރެވަލްސްގެ ވެރިޔާ އަދި ވިޔަފާރިވެރިޔާ މުޙައްމަދު ފިރާޤް
ފިރާގު ވިދާޅުވި ގޮތުގައި، މިހާރު ގިނަ ގެސްޓްހައުސްތަކާއި ހޮޓަލްތަކުގައި މަޑުކުރާ ފަތުރުވެރިން ފައިސާ މާރުކުރަނީ ހޮޓަލުގެ ޕީއޯއެސް ސިސްޓަމު މެދުވެރިކޮށެވެ. އެހެން ނަމަވެސް އޭޓީއެމްތަކުގެ ޚިދުމަތްތައް ފުޅާކުރުމަކީ ބޭރު ފައިސާގެ މުޢާމަލާތްތައް ވެސް ބޭންކުތަކަށް މޮނީޓާކުރެވޭނެ ފައިދާހުރި ގޮތެއް ކަމަށާއި، ފަހަށްބަލާއިރު އެކަމުގެ ސަބަބުން ބޭންކިން ނިޒާމުގެ ތެރޭގައި ބޭރު ފައިސާ ދައުުރުވުން އިތުުރުކޮށްދޭނެ ކަމަށް ދެކެވަޑައިގަންނަވާ ކަމަށް ފިރާގު ވިދާޅުވެފައިވެއެވެ.
މިއީ އާޚިރުގައި ހާމަކަން ބޮޑުވެ، ބޭންކިންގ ނެޓްވޯކްގެ ތެރޭގައި ބޭރު ފައިސާ ދައުރުވުން އިތުރުކޮށްދޭ ކަމެކެވެ.މީގެ އިތުރުން އޭޓީއެމްތަކުގެ ސަބަބުން ނުރަސްމީ ކޭޝް ޗެނަލްތަކަށް ބަރޯސާވުން މަދުވެ، ނިޒާމަށް އިތުރު އިތުބާރު އުފެދި، ބޭންކިން ދާއިރާއަށާއި ލޯކަލް ވިޔަފާރިތަކަށް ވެސް ދިގު މުއްދަތުގެ ފައިދާތަކެއް ލިބިގެންދެ އެވެ. ފަތުރުވެރިންނަށް އެއީ އެމީހުންގެ ފައިސާ ރައްކާތެރިކަމާއެކު ލިބޭނެކަން އެނގި އިތުބާރު އިތުރުކޮށްދޭ ކަމެއް ކަމެކެވެ ، ބޭންކަށް ބޭރު ފައިސާގެ ހިފެހެއްޓުމެއް ބިނާކޮށްދޭ ކަމެކެވެ.
އޭސް ޓްރެވަލްސްގެ ވެރިޔާ އަދި ވިޔަފާރިވެރިޔާ މުޙައްމަދު ފިރާޤް
ފިރާގު ވިދާޅުވީ އޭޓީއެމްތައް ބެހެއްޓުމަކީ މުސްތަގުބަލަށްޓަކައި ކުރެވޭ މުހިންމު އިންވެސްޓްމެންޓަކަށްވާއިރު، ރިސޯޓުތަކުގައި ވެސް އޭޓީއެމްތައް ބެހެއްޓޭނެ ނަމަ ބެހެއްޓުމަކީ ރަނގަޅުކަމެއް ކަމުގައި ފިރާގު ޤަބޫލުފުޅު ކުރައްވައެވެ.
މިއީ އަޅުގަނޑު ގަބޫލުކުރާ ގޮތުގައި އެކި ހިސާބުތަކުގައި އޭޓީއެމް ބެހެއްޓުމަކީ ހަމައެކަނި އަމަލީ ފިޔަވަޅެއް ނޫން މުސްތަގުބަލަށް ސްޓްރެޓެޖިކް އިންވެސްޓްމަންޓެއް ކަމަށް ވެސް ދެކެމެވެ. ރިސޯޓުތަކުގަވެސް ބެހެްްޓޭނަމަ ބަހައްޓަންވެސް ވީއެވެ.
އޭސް ޓްރެވަލްސްގެ ވެރިޔާ އަދި ވިޔަފާރިވެރިޔާ މުޙައްމަދު ފިރާޤް
ފިރާގު އެފަދައިން ވިދާޅުވިއިރު، ރާއްޖޭގެ ރަށްތަކަށް ރައީސް ޑރ. މުޙައްމަދު މުޢިއްޒު ކުރައްވާ ދަތުރުފުޅުތަކަކީ "ހަމައެކަނި އޭޓީއެމްތައް ހުޅުއްވަން" ކުރައްވާ ދަތުރުފުޅުތަކެއް ކަމުގައި ބުނެ އިދިކޮޅުން އަންނަނީ ރައީސްއަށާއި ސަރުކާރަށް ފާޑުކިޔަމުންނެވެ.
Advertisement
This content is created and paid for by advertisers and does not involve Voice Journalists
