ސުމޫދު ފްލޮޓީލާ ޔޮޓްތަކަށް އިސްރާއީލް ސިފައިން ހަމަލާދޭތީވެ، އިޓަލީ އަދި ސްޕެއިންގެ ކަނޑުގެ ސިފައިންގެ މަނަވަރުތައް އެ އުޅަނދުތައް ކައިރިއަށް ގޮސްފިއެވެ.
ޣައްޒާ ހިސާރުކޮށްފައި އޮންނައޮތުން ނިމުމަކަށް ގެނައުމަށް މަސައްކަތްކުރަމުން އަންނަ ފްލޮޓީނާ މޫވްމަންޓްގެ ޔޮޓްތައް ޢައްޒާއާ ދިމާލަށް މިސްރާބު ޖަހާފައިވާއިރު، އިސްރާއީލް ސިފައިން ދަނީ އެކި ގޮތްގޮތުން ޔޮޓްތަކަށް އުނދަގޫކުރަމުންނެވެ. މިގޮތުނ އިސްރާއީލް ސިފައިން މީގެ ކުރިން ވަނީ ޔޮޓްތަކުގެ މުއާސަލާތީ ކަންކަމަށް ހުރަސްއަޅާފައެވެ. މީގެ އިތުރުން މި ފަހަކުން އިސްރާއީލް ސިފައިން ވަނީ ރޭގަނޑު ޑްރޯންތައް ފޮނުވައި ބައެއް ޔޮޓްތަކަށް ހަމަާދީފައެވެ. އެގޮތުން މިހާތަނަށް ޑްރޯން މެދުވެރިކޮށް 11 ހަމަލާ ދީފައިވާކަމަށް ގްލޯބަލް ސުމޫދު ފްލޮޓީލާ ޖަމާއަތުން ބުނެއެވެ.
ޖީއެސްއެފުން ވަނީ އިސްރާއީލް ސިފައިން ދްރޯން މެދުވެރިކޮށް ޔޮޓްތަކަށް ހަމަލާދޭތީވެ، އެކަން ބައިނަލްއަޤްވާމީ ފަރާތްތަކުގެ ސަމާލުކަމަށްވެސް ގެނެސްފައެވެ. މީގެ އިތުރުން ސްޕެއިން އަދި އިޓަލީ ފަދަ ޤައުމުތަކަށް ނިސްބަތްވާ ޔޮޓްތަކުގެ ބައިވެރިން ވަނީ އެ ޤައުމުތަކުގެ އަސްކަރިއްޔާގެ ސަމާލުަކަމަށް އެކަން ގެނެސްފައެވެ.
ބައިނަލްއަޤްވާމީ ކަނޑުގެ ސަރަހައްދުގައި ފްލޮޓީލާގެ ޔޮޓްތަކަށް ހަމަލާދޭތީވެ އިޓަލީ އަދި ސްޕެއިންގެ ނޭވީ އުޅަނދުތައް ޔޮޓްތައް ކައިރިއަށް ވަނީ ގޮސްފައެވެ. މިކަމާ ގުޅިގެން އިޓަލީ ސަރުކާރުން ބުނެފައިވަނީ، ބައިނަލްއަޤްވާމީ ކަނޑުގެ ސަރަހައްދުގައި ޔޮޓްތަކުގެ ސަލާމަތީ ކަންކަން ބަލަމުންދާކަން ކަށަވަރުކޮށްދީފައެވެ.
ފްލޮޓީނާ މޫވްމަންޓަކީ ޣައްޒާ މިނިވަންކުރުމުގެ ގޮތުން ބައިނަލްއަޤްވާމީ އެކްޓިވްސްޓުންތަކެއް ހިމެނޭ ގޮތަށް ކުރިއަށްގެންދާ މޫވްމަންޓެކެވެ. މި ހަރަކާތުގައި ދުނިޔޭގެ އެކި ކަންކޮޅުތަކުން އެތައް ސަތޭކަ އުޅަނދު ބައިވެރިވެއެވެ. މި އުޅަނދުތަކުގެ އެންމެބޮޑު އެއް ބޭނުމަކީ ފަލަސްތީނަށް އެހީވުމުގެ ގޮތުން ކުރިއަށްގެންދާ އެހީގެ ހަރަކާތުގައި ޣައްޒާއަށް އެހީގެ ސާމާނު ވެއްދުމެވެ.
Advertisement
This content is created and paid for by advertisers and does not involve Voice Journalists
