އެލައިޑް އިންޝުއަރެންސްގެ އިސްލާމިކް ވިންޑޯ، އެލައިޑް ތަކާފުލްއަށް ގްލޯބަލް އިސްލާމިކް ފައިނޭންސް އެވޯޑްސް (ޖިފާ) ގެ އެކްސެލެންސް އެވޯޑް (ތަކާފުލް) 2025 ލިބިއްޖެއެވެ.
މި މަހު މެލޭޝިއާގެ ކުއަލަލަމްޕޫރުގައި ބޭއްވި ޖިފާ އެވޯޑްސްގައި އެ އެވޯޑް އެލައިޑްއަށް ލިބުނުއިރު، އެ އެވޯޑަކީ އެލައިޑް ތަކާފުލްއިން ޝަރީޢާއާ އެއްގޮތަށް ޚިދުމަތް ދިނުމުގައި ގެންގުޅޭ އުސޫލުތަކުގެ ހެއްކެކެވެ.
މި އެވޯޑާއި އެކުންފުނީގެ ފަރާތުން ހަވާލުވީ އެލައިޑް ތަކާފުލްގެ މެޖޭނަރު ފާތިމަތު ނިޒްމާއެވެ.
މި ކާމިޔާބީގެ ފަހަތުގައި ޝާމިލުވަނީ ކުންފުނީގެ ބޯޑު، ކުންފުނީގެ މެނޭޖްމަންޓް އަދި މުވައްޒަފުންންގެ މިންނަތް މަސައްކަތްކަން އެލައިޑުން ފާހަގަކުރެއެވެ. އަދި ރާއްޖޭގައި އިސްލާމީ މާލީ ޚިދުމަތްތައް އިތުރަށް ފުޅާކުރުމަށް މަސައްކަތްކުރާނެ ކަމަށާއި، ޖިފާ އެވޯޑްސް ރާވައި ހިންގުމުގައި ކޭމްބްރިޖް އައިއެފްއޭއިން ކުރި މަސައްކަތަށް ވެސް އެކުންފުނިން ވަނީ ޝުކުރު އަދާކޮށްފައެވެ.
މެލޭޝިއާގައި ބޭއްވި މި ރަސްމިއްޔާތުގައި މެލޭޝިއާގެ ބޮޑުވަޒީރު ދާތޯ ސްރީ އަންވަރު ބިން އިބްރާހީމް އާއި މެލޭޝިއާގެ ޑެޕިއުޓީ ބޮޑުވަޒީރު ބައިވެރިވެ ވަޑައިގެންނެވިއެވެ.
Advertisement
This content is created and paid for by advertisers and does not involve Voice Journalists
