ތ.އަތޮޅު އޮމަދޫ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އާ ހަވާލުކޮށްފިއެވެ.
އެރަށުގެ މަގުތައް އާރުޑީސީއާ ހަވާލުކޮށްފައިވަނީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ތ. އަތޮޅުގެ ރަށްތަކަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން އޮމަދޫއަށް މިއަދު ކުރެއްވި ޒިޔާރަތުގައެވެ.
މި އެއްބަސްވުމުގައި ސަރުކާރުގެ ފަރާތުން ސޮއިކުރެއްވ މިނިސްޓަރ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ ޑރ. ޢަބްދުﷲ މުއްޠަލިބުއެވެ. އަދި އާރް.ޑީ.ސީގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ އިބްރާހީމް ނަޡީމްއެވެ.
މި މަޝްރޫޢުގެ ކޮންޓްރެކްޓް އަގަކީ 92,524,177.80 (ނުވަދިހަ ދެ މިލިއަން ފަސްލައްކަ ސާޅީސް ހަތަރުހާސް ސަތޭކަ ހަތްދިހަ ހަތް ރުފިޔާ އަށާހިރި) ރުފިޔާއެވެ. މަސައްކަތް ނިންމުމަށް ކަނޑައަޅާފައިވާ މުއްދަތަކީ 730 ދުވަހެވެ. މިއީ ދެ އަހަރުގެ ތެރޭގައި އޮމަދޫގެ މަގުތައް މުޅިން އައު، ޒަމާނީ ފެންވަރަކަށް ބަދަލުކޮށް، ރައްޔިތުންނަށް ފަސޭހަ ދަތުރުފަތުރެއް ޔަގީންކޮށްދިނުމަށް ރޭވިފައިވާ މަޝްރޫޢެކެވެ
Advertisement
This content is created and paid for by advertisers and does not involve Voice Journalists
