ވެރިރަށް މާލޭގެ ކާރުބާރޫ ބޮޑު މަގުތަކުގައި ސައިކަލު ދުއްވާއިރު ކުއްލިއަކަށް ވެސް ކަމެއް ހިނގައިފާނެއެވެ. މައި މަގުން ކިތަންމަ މަޑުން ދުއްވި ނަމަވެސް، ޖެހިގެން އޮންނަ ގޯޅިން އެ ނުކުންނަ ސައިކަލު ނުވަތަ އުޅަނދުގައި ޖެހުމުން އަނިޔާ ލިބެނީ ތިމާ މީހާއަށާއި ތިމާގެ ސައިކަލަށާއި އަނެކާއަށެވެ. އަދި ހަމަ އޭނާގެއުޅަނދަށް ވެސް މެއެވެ.

ކަން މިހެންވުމުން ހަދާނެ ގޮތް ހުސްވެގެން މުޅި މީހާ ވާނީ މާޔޫސެވެ. ގިނަ ފަހަރު އެހެންއެކަންދިމާވުމުން އަނެކާގެ އަތުގައި ދެ ސައިކަލު ހަދަން ދާނެ ފައިސާއެއް ވެސް ނުހުރެއެވެ. ދެންވީ ސައިކަލު ހެދެންދެން ހިނގާފައި އުޅޭށެވެ. އެއީ މިފަދަ ޙާލަތެއްގައި ނަމަ މުޅި އުމުރު ދުވަހުއެވެ.

މިފަދަ ހިތާމަވެރި އަދި ދިރިއުޅުމަށް ވެސް އުނދަގޫ ކިތަންމެ ޙާލަތަކުން ސަލާމަތްވާނެ ގޮތް މިހާރު އެބައޮތެވެ. އާންމުކޮށް މީހުން ނަގައިއުޅޭ ސަރުކާރުން ލާޒިމުކުރާ "ތާޑް ޕާޓީ ތަކާފުލް" ނުވަތަ ތިންވަނަ ފަރާތެއްގެ މުދާ ނުވަތަ ހަށިގަނޑަށް ލިބޭ ގެއްލުމުގެ އިންޝުއަރެންސް ޕެކޭޖުން މި ޚިދުމަތްތަކެއް ނުލިބޭނެއެވެ. އަމިއްލަ މީހާއަށާއި އަދި އަމިއްލަ އުޅަނދަށް ވެސް ލިބޭ ގެއްލުން ނުވަތަ ހިނގާ އެކްސިޑެންޓެއްގެ ސަބަބުން އަމިއްލަ މީހާ ނިޔާވެއްޖެ ނަމަ، އެކަމުގެ ބަދަލު އެލައިޑުގެ "ކޮމްޕްރެހެންސިވް ތަކާފުލް" އިން ލިބިގެންދާނެވެ. 

މި ތަކާފުލްގެ ދަށުން ތިންވަނަ ފަރާތަކަށް ލިބޭ ޖިސްމާނީ ގެއްލުމާއި މުދަލަށް ލިބޭ ގެއްލުމުގެ އިތުރުން، އަމިއްލަ މީހާއަށް ލިބޭ ގެއްލުމާއި އަމިއްލަ ސައިކަލަށް ލިބޭ ގެއްލުމުގެ ބަދަލު ވެސް ނަގައިދޭނެއެވެ. 

އަދި އަމިއްލަ މީހާގެ ސައިކަލު ވަގަށް ނަގައިފި ޙާލަތެއްގައި ވެސް، ތާޑް ޕާޓީން ނުލިބޭ ގިނަ ޚިދުމަތްތަކެއް ވެސް ކޮމްޕްރެހެންސިވް ތަކާފުލްގެ ދަށުން ލިބޭނެއެވެ. އެގޮތުން ތާޑް ޕާޓީ ތަކާފުލްގެ ދަށުން ހަމައެކަނި ލިބެނީ ތިންވަނަ ފަރާތުގެ އުޅަނދަށް ލިބޭ ގެއްލުމާއި އެމީހާގެ ހަށިގަނޑަށް ލިބޭ ގެއްލުމަށް ވާއިރު، އެ ދެ ޚިދުމަތާއި އެކު އަމިއްލަ މީހާގެ ސައިކަލަށާއި އަމިއްލަ މީހާއަށް ލިބޭ ގެއްލުމުގެ ބަދަލު ވެސް  ކޮމްޕްރެހެންސިވް ތަކާފުލްގެ ދަށުން ނަގައިދޭނެއެވެ.

މި ތަކާފުލްގެ ޚިދުމަތްތައް އެލައިޑްގެ "މައި އެލައިޑް" ޕޯޓަލް މެދުވެރިކޮށް ނުވަތަ 1600 އަށް ގުޅައިގެން ވެސް ހޯދޭނެއެވެ.