ޑާކްރެއިން އެންޓަޓައިމަންޓްގެ އައު ފިލްމް "އަލިފާން" މާދަމާ ރޭ އޮލިމްޕަހު ގައި ސްކްރީން ކުރަން ތައްޔާރު ވެއްޖެ އެވެ.
ދިވެހި ފިލްމީ އިންޑަސްޓްރީއަށް ޒަމާނީ ބަދަލުތައް ގެނެސްދިން އަދި އެންމެ ތަފާތު, މޮޅެތި އުފެއްދުން ގެނެސްދީފައިވާ ޑާކްރެއިންގެ އާ ފިލްމް "އަލިފާން" ވެސް ވެގެންދާނީ ތަފާތު, މޮޅު ފިލްމަކަށް ކަަމަށް ބެލެވެ އެވެ.
ފިލްމު މާދަމާ ރޭ އޮލިމްޕަހުގައި ސްކްރީން ކުރާނެ އެވެ. އޭގެ ފަހުން މި މަހުގެ 19 ވަނަ ދުވަހާއި ހަމައަށް ފިލްމު ސްކްރީން ގައި އޮންނާނެ އެވެ.
އަލިފާން ފިލްމުގެ ޕޯސްޓަރެއް --
"އަލިފާން" ޕްރޮމޯޓް ކުރުމަށް މިހާތަނަށް ބެލުންތެރީންނާއި ހަމަައަށް ޑާކްރެއިން އިން ގެނެސްދިން ޕޯސްޓަރުތަކާއި އޮފިޝަލް ޓްރެެއިލާ އިން ބުނެދެނީ މިއީ އާދައިގެ ފިލްމެއް ނޫން ކަމެވެ. ހަމައެކަނި ޓްރެއިލާއަށް ބަލާލުމުން ވެސް ފިލްމުގެ ވަރުގަދަ ކަން އެނގިގެން ދެ އެވެ.
ތަފާތު ގިނަ ހާދިސާތަކެއް މި ފިލްމުން ދައްކުވައި ދޭނެ ކަމަށް ބެލެވެ އެވެ. ޚާއްސަކޮށް ރާއްޖޭގެ ކުށުގެ ވެށީގެ ހާލަތާއި ގިނަ މައްސަލަތަކަކަށް އެޑްރެސް ކޮށްފައިވާނެ ކަމަށް ބެލެވެ އެވެ.
އަލިފާން ފިލްމުގެ ޕޯސްޓަރެއް --
އަލިފާން، މި ފިލްމުގައި ފެނިގެންދާ ތަރިންގެ ތެރޭގައި ކުލަދާނަ އެކްޓަރު ރަވީ ފާރޫގާއި، ތަޖްރިބާކާރު އެކްޓްރެސް ޝީލާ ނަޖީބް ހިމެނެއެވެ. މީގެ އިތުރުންމިހާރު ދިވެހި ސިނަމާގައި އެންމެ ވިދުންގަދަކަމަށް ގިނަ ބަޔަކު ގަބޫލްކުރާ ޝަރަފް ހިމެނެއެވެ. މީގެ އިތުރުން މި ފިލްމުގައި ޖޭމް އައްލޯ އާއި އާދަމް ރިޒްވީ، މައިހާ އާދަމް، އާއިމިނަތް ސުހާ، މޫސާ އަލީފް، މުހައްމަދު ފައިސަލްގެ އިތުރުން މުހައްމަދު ހާޒިފް ހިމެނެ އެވެ.
އާއިޝަތު ފުއާދު އަދި މޮގަރ ޕްރޮޑިއުސްކުރާ ފިލްމްގެ ވާހަކަ ލިޔުނީ، އަހުމަދު ތޮލާލް އެވެ. އެޑިޓް އަދި ޑައިރެކްޓަރަކީ ރަވީ ފާރޫގްގެ އިތުރުން އަލީ ޝިފާއުއެވެ. މި ފިލްމްގެ މަންޒަރުތައް ފުރިހަމަ ވުމުގައި ރިއާލިޓީ ޕްރޮޑިއުސަރެއްކަމަށްވާ ވިޝާލް ޒަކީގެ އިތުރުން އަހުމަދު ޒިފާފްގެ މަސައްކަތް ފާހަގަކޮށްލެވޭއިރު، މޭކަޕް އާޓިސްޓަކީ ހަސަން އާދަމް އެވެ.
Advertisement
This content is created and paid for by advertisers and does not involve Voice Journalists
