އިސްރާއީލުގެ ޖަލުތަކުގައި ހައްޔަރުކޮށްފައިވާ ފަލަސްތީނުގެ ރައްޔިތުން މިނިވަންކުރުމާ ގުޅޭގޮތުން އިސްރާއީލުން މިރޭ ގޮތެއް ނިންމާނޭކަމަށް އިސްރާއީލްގެ މީޑިއާތަކުން ބުނެފިއެވެ.
ޓައިމްސް އޮފް އިސްރާއީލުން ކުޑައިރުކޮޅެއް ކުރިން ބުނެފައިވަނީ، ހަމަލާ ބަދަލުކުރުމަށް ވެފައިވާ އެއްބަސްވުމުގެ ދަށުން، އިސްރާއީލުން ހައްޔަރުކޮށްފައިވާ ފަލަސްތީނުގެ ރައްޔިތުން މިނިވަންކުރުމާ ގުޅޭގޮތުން ނަތަންޔާހޫގެ ކެބިނެޓް ބައްދަލުވުމެއް މިރޭ ބޭއްވުމަށް ނިންމާފައިވާކަމަށެވެ. ބައްދަލުވުމަށްފަހު މިނިވަންކުރާ ފަލަސްތީނު ރައްޔިތުންގެ ނަންތައް ދައުލަތުގެ ކަމާބެހޭ އިދާރާގެ ވެބްސައިޓްގައި އާއްމުކުރުމަށް ހަމަޖެހިފައިވާކަމަށް ޓައިމްސް އޮފް އިސްރާއީލުން ވަނީ ބުނެފައެވެ.
މީގެ ކުޑައިރުކޮޅެއް ކުރިން އިސްރާއީލް ސެކިއުރެޓީ ކައުންސިލްގެ ކުއްލި ބައްދަލުވުމެއް ބޭއްވުމަށް ތާވަލްކޮށްފައިވާއިރު، ޖަލުގައި ތިބި ކުށްވެރިން މިނިވަންކުރާނީ ނަތަންޔާހޫގެ ކެބިނެޓުން ނިންމާ ގޮތެއްގެ މަތިންކަމަށް އިސްރާއީލްގެ މީޑިއާތަކުން ވަނީ ބުނެފައެވެ.
އިސްރާއީލުން ފަލަސްތީނުގެ ޣައްޒާގައި ހިންގަންފެށި އުދުއާންތަކަށް ދެ އަހަރުވެފައިވާއިރު، އިސްރާއީލްގެ ޖަލުތަކުގައި ފަލަސްތީނުގެ ގިނަ އަދަދެއްގެ ރައްޔިތުން އެބަތިއްބެވެ. މީގެ ތެރޭގައި އަންހެނުންވެސް ހިމެނެއެވެ.
Advertisement
This content is created and paid for by advertisers and does not involve Voice Journalists
