ޓްރީޓޮޕާއި އޭޑީކޭ ހޮސްޕިޓަލުން އެނދުމަތިކޮށްގެން ހޯދި ފަރާތްތަކުގެ ހަރަދުތަކަށް ހުސްވި ސެޕްޓެމްބަރުމަހު 8.5 މިލިއަން ރުފިޔާ ހޭދަވެފައިވާކަމަށް އެންސްޕާއިން ބުނެފިއެވެ.

އެންސްޕާއިން އާއްމުކުރި ތަފާސްހިސާބުތަކަށް ބަލާއިރު، އެންސްޕާގެ ބަޖެޓުން 8.5 މިލިއަން ރުފިޔާ ހޭދަވިއިރު، އެންމެބޮޑު އަދަދެއް ހޭދަކޮށްފައިވަނީ ޓްރީޓޮޕް ހޮސްޕިޓަލަށެވެ. މި ތަފާސްހިސާބަށް ބަލާއިރު ސެޕްޓެމްބަރުމަހު 479 ފަރާތަކުން ވަނީ އެނދުމަތިކޮށްގެން ފަރުވާހޯދާފައެވެ. އެންމެގިނަ މީހުން ޓްރީޓޮޕް ހޮސްޕިޓަލްގައި އެނދުމަތިކޮށްގެން ފަރުވާހޯދާފައިވާއިރު، އެފަރާތްތަކަށް ކުރި ހޭދައިގެ ޖުމްލަ އުޅެނީ 4.9 މިލިއަން ރުފިޔާގައެވެ.

- ކުޑަކުދިންގެ ބަލިތައް: 1.3 މިލިއަން ރުފިޔާ

- ކަށީގެ ބަލިތައް: 902،611.25

- ވިހެއުމާގުޅޭ: 670،553.77

- ކުޑަކަމުދާ ނިޒާމް/ކިޑްނީ: 600،536.30

- ގޭސްޓްރޯއިންޓެސްޓިނަލް: 267،566.4

ޓްރީޓޮޕް ހޮސްޕިޓަލުން ހޯދި ފަރުވާގެ ތަފްސީލް

ސެޕްޓެމްބަރުމަހު ދެވަނައަށް އެންމެބޮޑު ހޭދައެއްކޮށްފައިވަނީ އޭޑީކޭ ހޮސްޕިޓަލުގައި އެނދުމަތިކޮށްގެން ފަރުވާ ހޯދި ފަރާތްތަކަށެވެ. އެގޮތުން ހުސްވިމަހު އޭޑީކޭއަށް 3.6 މިލިއަން ރުފިޔާ ވަނީ ހޭދަކޮށްފައެވެ.

- ކާޑިއޯ ވެސްކިއުލާ: 1.07 މިލިއަން ރުފިޔާ

- މައިބަދަ/ނާރުގެ ބަލިތައް: 703،829.19 ރުފިޔާ

- ކަށީގެ ބަލިތައް: 475،934.74 ރުފިޔާ

- ވިހެއުމާގުޅޭ: 300،929.38 ރުފިޔާ

- ގޭސްޓްރޯއިންޓެސްޓިނަލް: 216،201.76 ރުފިޔާ

އޭޑީކޭ ހޮސްޕިޓަލުން ހޯދި ފަރުވާގެ ތަފްސީލް

ދައުލަތުގެ ބައިތުލްމާލުން ބޭސްފަރުވާގެ ކަންކަމަށް ކޮންމެ މަހަކުވެސް އަމިއްލަ ހޮސްޕިޓަލްތަކަށް އެތައް މިލިއަން ރުފިޔާއެއް ހޭދަކުރެއެވެ. އެ ހަރަދުތައް ކުޑަކުރުމުެގ ގޮތުން ސަރުކާރުން ދަނީ އަތޮޅޫތެރޭގެ ރަށްރަށުގެ ސިއްހީ ހިދުމަތްދޭ ތަންތަނުގެ ފެންވަރު ރަނަގޅުކޮށް، ސަރުކާރުގެ މައި ހޮސްޕިޓަލުންދޭ ހިދުމަތް އިތުރަށް ތަރައްޤީކުރުމަށް މަސައްކަތްތަކެއް ކުރަމުންނެވެ.