މަޝްރޫޢުތައް އަލުން ފެށުމަށް ބޮޑުހިލަ ބަލްކުކޮށް ގެންނަން ފެށުން: 56 ހާސް ޓަނު ބޮޑުހިލަ ގެނެސްފި
އެމްޓީސީސީއަށް ހަވާލުކޮށްފައިވާ ޕީއައިއެސްޕީ މަޝްރޫޢުތަކަށް ބޭނުންވާ ބޮޑުހިލައިގެ ފުރަތަމަ ބަލްކު ޝިޕްމަންޓް ރާއްޖެ ގެނެސްފި އެވެ.
އެ ކުންފުނިން ބުނީ މިއީ މަޝްރޫއުތައް އަލުން ފެށުމަށް ބޭނުންވާ ބޮޑުހިލަ ބަލްކުކޮށް ގެންނަން ރައީސް ނިންމެވި ނިންމެވުމާއެކު ފެށި ކަމެއް ކަމަށެވެ. އެ ގޮތުން އެމްޓީސީސީއާ ހަވާލުކޮށްފައިވާ ޕީއެސްއައިޕީ މަޝްރޫޢުތަކަށް ބޭނުންވާ ބޮޑުހިލައިގެ ފުރަތަމަ ބަލްކު ޝިޕްމަންޓްގައި 56,450 ޓަނުގެ ބޮޑު ހިލަ ވަނީ ގެނެސްފަ އެވެ.
ބޮޑުހިލައިގެ ފުރަތަމަ ބަލްކު ޝިޕްމަންޓް ރާއްޖެ ގެނައުން --
މި ޝިޕްމަންޓުން ގެނެސްފައިވާ ހިލަ ފުރަތަމަ ފޯރުކޮށްދޭނީ ބ. މާޅޮހު ބަަނދަރު ތަރައްޤީ ކުރުމުގެ މަޝްރޫޢުއަށް ކަމަށާ އޭގެ އިތުރުން ބ އަތޮޅާއި ރ އަދި ޅ އަތޮޅުގައި ހިންގާ އެހެނިގެން މަޝްރޫޢުތަކުގެ މަސައްކަތްތަކަށް ވެސް ބޮޑުހިލަ ފޯރުކޮށްދޭނެ ކަމަށް ވަނީ ބުނެފަ އެވެ.
ބޮޑުހިލައިގެ ފުރަތަމަ ބަލްކު ޝިޕްމަންޓް ރާއްޖެ ގެނައުން --
އެމްޓީސީސީން ބުނީ ބުނީ މި އަހަރު ނިމުމުގެ ކުރީން 2.5 މިލިއަން ޓަނުގެ ބޮޑުހިލަ ރާއްޖެ ގެނައުމުގެ މަސައްކަތް ހަލުވި ކަމާއެކު ކުރިއަށްދާ ކަމަށެވެ. މިއީ އެމްޓީސީސީއަށް ހަވާލުކޮށްފައިވާ ޕީއެސްއައިޕީ މަޝްރޫޢުތައް އަވަހަށް ނިންމަން ބޭނުންވާ ޖުންލަ އަދަދު ކަމަށާ މި ޝިޕްމަންޓްތައް ރާއްޖެ ގެނެސް އެ ކުންފުންޏާއި ހަވާލުކޮށްފައިވާ ގިނަގުނަ މަޝްރޫޢުތައް ނިމިގެން ދިއުމާއެކު ރައްޔިތުންނަށް އެތައް ލުއިފަަސޭހަތަކެއް ލިބޭނެ ކަމަށެވެ.
Advertisement
This content is created and paid for by advertisers and does not involve Voice Journalists
