ގަވާއިދާ ޚިލާފަށް ހިންގާ ވިޔަފާރިތަކުގައި މަސައްކަތްކުރާ ބިދޭސީން ހޯދުމަށް ކުރިއަށްގެންދިޔަ އޮޕަރޭޝަނެއްގައި 9 ބިދޭސީއަކު އިމިގްރޭޝަނުގެ ބެލުމުގެ ދަށަށް އިއްޔެ ގެނެސްފިއެވެ.
އިމިގްރޭޝަނުން ބުނީ، ޤަވާއިދާއި ޚިލާފަށް އުޅޭ ބިދޭސީން ބަލައި ފާސްކުރުމަށް ޓާސްކް ފޯސްއިން އިއްޔެ ކުރިއަށް ގެންދިޔަ އޮޕަރޭޝަނެއްގައި މާލޭގެ ރޯޝަނީމަގާއި އެމަގާ ގުޅިފައިވާ ގޯޅިތަކުގައި ދިރިއުޅޭ 104 ބިދޭސީން ބަލައި ފާސްކުރި ކަމަށެވެ. އޭގެ ތެރެއިން 9 ބިދޭސީއަކު އެ އިދާރާގެ ދަށަށް ވަނީ ގެނެސްފައެވެ.
ޤަވާއިދާ ޚިލާފަށް އުޅެމުންދާ ބިދޭސީން ދެނެގަތުމަށް އިމިގްރޭޝަނުން ވަނީ ފުޅާ ދާއިރާއެއްގައި މަސައްކަތްތަކެއް ކުރަމުންނެވެ. މިގޮތުން މިހާތަނަށް 8،000 އަށްވުރެ ގިނަ ބިދޭސީން ޑިޕޯޓްކޮށްފައިވާ ކަމަށް އިމިގްރޭޝަނުން ބުނެއެވެ.
ޑޮކިއުމެންޓް ނެތް ބިދޭސީން ހޯދުމުގެ މަސައްކަތް ސަރުކާރުން ފެށީ މިދިޔަ އަހަރުއެވެ. މިގޮތުން ރާއްޖޭގެ އެކި ސަރަހައްދުތަކުގައި އިމިގްރޭޝަނުން ވަނީ ޚާއްސަ އޮޕަރޭޝަންތައް ކުރިއަށް ގެންގޮސްފައެވެ. އަދި މި އޮޕަރޭޝަންތަކުގައި ގިނަ އަދަދެއްގެ ބިދޭސީން ޑީޕޯޓުކޮށްފައިވާއިރު، ރާއްޖޭގައި ތިބި ޑޮކިއުމެންޓް ނެތް ބިދޭސީން މޮނިޓާކުރުމުގެ މަސައްކަތުގެ ތެރެއިން މިހާރު ވަނީ މާލޭގެ އާންމު ސަރަހައްދުތަކުގައި އޮބްޒަވޭޝަން މަސައްކަތްވެސް ކުރަން އެ އިދާރާއިން ވަނީފަށާފައެވެ.
Advertisement
This content is created and paid for by advertisers and does not involve Voice Journalists
