މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނަށް ކުރިމަތިލި ބޭފުޅުންގެ ތެރެއިން މިއަދު ރުހުން ދިން ތިން ބޭފުޅުން މެންބަރު ކަމަށް އައްޔަނު ކުރައްވައިފި އެވެ.
ރައީސުލްޖުމްހޫރިއްޔާގެ އޮފީހުން ބުނީ މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަންގެ މެންބަރު ކަމަށް ތިން ބޭފުޅަކު މިއަދު އައްޔަންކުރައްވައިފި ކަމަށެވެ.
އެގޮތުން ރައްޔިތުންގެ މަޖިލީހުން ކަނޑައަޅާ ތިން މެންބަރުންގެ ގޮތުގައި ހަމަޖެއްސެވީ ހ. ޓޫހާޓްސް، މުހައްމަދު ފަރުސަތާއި ދ. މީދޫ، ބިއްލޫރިވިލާ، ސަފާ ޝަފީގާއި ގ. ގޮފި، އާމިނަތު ސަރާހަތު އިއްޒަތެވެ.
މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން އެކުލެވިގެންވަނީ ހަތް މެންބަރުންގެ މައްޗަށެވެ. އެއީ ރައްޔިތުންގެ މަޖިލީހުން ކަނޑައަޅާ ތިން މެންބަރުންނާއި މީޑިއާތަކުން އިންތިހާބުކުރާ ހަތަރު މެންބަރުންނެވެ.
އެގޮތުން މީޑިއާތަކުން އިންތިހާބުކުރި ހަތަރު މެންބަރުން މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނުގެ މެންބަރުކަމަށް 13 އޮކްޓޫބަރު ގައި ވަނީ ހަމަޖައްސަވާފައެވެ. އެއީ ބްރޯޑްކާސްޓަރުން ތަމްސީލުކުރާ ދެ މެންބަރުންނާއި އެހެން މީޑިއާތައް ތަމްސީލުކުރާ ދެ މެންބަރުންނެވެ.
Advertisement
This content is created and paid for by advertisers and does not involve Voice Journalists
