މިދިޔަ ސަރުކާރުން އޮތީ ރިބާއާ ގުޅޭ ހުތުބާއާ ވެރިމީހާއާ ގުޅޭ ހުތުބާ ނުކިޔަން އަންގާ ފޮރުވާފައި: މިނިސްޓަރު
މިދިޔަ ސަރުކާރުން ރިބާއާ ގުޅޭ ހުތުބާއަކާއި ވެރިމީހާއާ ގުޅޭ ހުތުބާ ނުކިޔަން އަންގާ ފޮރުވާފައި އޮތް ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސަޢީދު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަފުޅު ދައްކަވަމުންނެވެ. ފުވައްމުލަކު ދެކުނު ދާއިރާގެ މެންބަރު އިބްރާހިމް ހުސައިން ކުރެއްވި ސުވާލަކަށް ޖަވާބު ދެއްވަމުން މިނިސްޓަރު ވިދާޅުވީ ދީނުގައި އޮންނަ ކަމެއް ފޮރުވާފައި ބާއްވައިގެން ނުވާނެ ކަމަށެވެ.
ނަމަވެސް މިދިޔަ ސަރުކާރުން އެކަން އެގޮތަށް ކުރައްވާފައި ނުވާ ކަމަށެވެ. މިނިސްޓަރު ވިދާޅުވީ ނިމިދިޔަ އެމްޑީޕީ ސަރުކާރުން ދެ ހުތުބާއެއް ނުކިޔަން އަންގާ ފޮރުވާފައިވާ ކަމަށެވެ.
"ވޭތުވެދިޔަ ފަސް އަހަރުތެރޭ ދެ ހުތުބާއެއް އޮތް ފޮރުވާފައި. ދެ ހުތުބާއެއް ފޮރުވާފައި އޮތް. އެއް ހުތުބާއަކީ ރިބާގެ ހުތުބާ އަނެއްް ހުތުބާއަކީ ވެރިމީހާގެ މަސްއޫލިއްޔަތާއި ގުޅޭ ހުތުބާ. މީގެ ތެރެއިން އެއް ހުތުބާ ލިޔުއްވީ އުސްތާޒު އިބްރާހިމް ރަޝީދު މޫސާ އަނެއް ހުތުބާ ލިޔުއްވި ބޭފުޅަކު ސީދާ މިވަގުތަކު ހަނދާނެއް ނެތް. މި ހުތުބާ ކިޔަން ޝެޑިއުލްކޮށްފައި އޮއްވާ މި ހުތުބާތައް އޮތީ ނުކިޔާގޮތަށް ނިންމާފައި ފޮރުވާފައި. އެހެން އޮއްވާ މި ސަރުކާރުން ވާނީ މި ދެ ހުތުބާ މިދިޔަ އަހަރު ކިޔާފައި," މިނިސްޓަރު ޝަހީމް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
