އެޗްޑީސީން "ހިތްފަސޭހަ ހުޅުމާލެ" ނަމުގައި ކެމްޕެއިނެއް ފަށައި، ދުވާރު މައްޗާއި އެނޫންވެސް އާއްމުނަށް އުނދަގޫވާ ތަންތަނުގައި ބަހައްޓާފައި ހުންނަ ތަކެތި ނަގަން ފަށައިފިއެވެ.
މިކަން ފެށުމުގެ ގޮތުން އެޗްޑީސީން އިއްޔެ ހަވީރު "ހިތްފަސޭހަ ހުޅުމާލެ" ނަމުގައި ކެމްޕެއިނެއް ފަށާފައެވެ. މި ކެމްޕެއިނުގެ ދަށުން އެޗްޑިސީން ވަނީ ހުޅުމާލޭގެ އެކި ސަރަހައްދުތަކުގައި އާއްމުނަށް އުނދަގޫވާ ގޮތަށް ބަހައްޓާފައި ހުންނަ ތަކެތި ނެގުމުގެ މަސައްކަތް ފަށާފައެވެ.
ހިތްފަސޭހަ ކެމްޕެއިން ފެށުމުގެ ތެރެއިން..
އެޗްޑީސީން ވަނީ މި ކެމްޕެއިން ފެށުމުގެ ކުރިން ހުޅުމާލޭގެ އެކި ސަރަހައްދުތަކުގެ ދުވާރުމަތީގައާއި ހެޖުތެރޭގައި، ބަހައްޓާފައިވާ ގޮނޑިއާއި މޭޒު ފަދަ ތަކެތި ނެގުމަށް އާއްމުކޮށް އަންގާފައެވެ.
ހިތްފަސޭހަ ކެމްޕެއިން ފެށުމުގެ ތެރެއިން..
ހުޅުމާލޭގެ އެކި ސަރަހައްުތަކުގެ ދުވާރުމަތީގައި ގޮނޑިއާއި މޭޒުފަދަ ތަކެތި ބަހައްޓައިގެން ކެފޭ އުސޫލުން ވިޔަފާރިކުރުމަކީ ވަރަށް އާއްމު ކަމެކެވެ. އެފަދަ ތަކެތި ނެގުމަށް މިދިޔަ އަހަރުވެސް އެކި ފަހަރުމަތީން ތަކުރާރުކޮށް، އަންގާފައިވީ ނަމަވެސް، ގިނަ ފަރާތްތަކުން އަދިވެސް އެ ސަރަހައްދުތަކުގައި ގޮނޑިއާއި މޭޒު ޖަހައިގެން ކެފޭ ޚިދުމަތް ދެމުން ގެންދެއެވެ.
އެޗްޑީސީން ބުނީ މިކަން ކުރިއަށްގެންދާނީ 12 ޒޯނަކަށް ބަހާލައިގެން ކަމަށެވެ. އެގޮތުން އެޗްޑީސީން ކުރިއަށްގެންދާ މި ހަރަކާތުގައި މޯލްޑިވްސް ޕޮލިސް ސާވިސްއާއި، ފުޑް އެންޑް ޑްރަގް އޮތޯރިޓީ ބައިވެރިވެއެވެ. ހުޅުމާލެއަކީ އާއްމުނަށް ހިތްފަސޭހަ ތަނެއްގެ ގޮތުގައި ބޭއްވުމަށް އެޗްޑީސީން ދަނީ ގިނަ މަސައްކަތްތަކެއް ކުރަމުންނެވެ.
Advertisement
This content is created and paid for by advertisers and does not involve Voice Journalists
