އިޒްރޭލުން ޣައްޒާގައި ހިންގަމުންދިޔަ ޤަތުލް ޢާންމު ހުއްޓާލުމާއިއެކު، ޣައްޒާގެ ރައްޔިތުންނަށް ބޭނުންވާ ކާބޯތަކެތި ފޯރުކޮށްދިނުމުގެ މަސައްކަތް ފެށިފައިވާކަމަށް ރާއްޖެއިން ޣައްޒާއަށް އެހީ ފޯރުކޮށްދޭ ޖަމިއްޔާ، އިންޓަނޭޝަނަލް އެއިޑް ކެމްޕެއިން (އައިއޭސީ) އިން ބުނެފިއެވެ.
އައިއޭސީން ބުނި ގޮތުގައި އެ ޤަތުލްޢާންމު ހުއްޓާލުމާއެކު 4،200 ކާބޯތަކެތީގެ ޕެކޭޖް ވަނީ ޣައްޒާގެ ދެއިރްބަޙަލް އަށް ފޯރުކޮށްދީފައެވެ. އޭގެ ތެރޭގައި ހަނޑޫ، އޮލިވްއޮއިލް، ހަކުރު، ލޮނު، ސައިފަތް، ޓޮމާޓޯ ޕޭސްޓް، ސޫޕް ޕައުޑަރު، ޓޫނާ، ޗީސް، އަދިގެސް އިތުރު ބާވަތްތައް ވެސް ހިމެނޭ ކަމަށް އެ ޖަމިއްޔާއިން މައުލޫމާތު ދެއެވެ.
އައިއޭސީން ބުނީ ޤަތުލުއާއްމު ހުއްޓި ޣައްޒާގެ ރައްޔިތުން ގެތައް ހުރި ހިސާބުތަކަށް އަލުން އަންނަމުންދާއިރު މިފަދަ އެހީތަކަކީ އެންމެ ބޮޑަށް ބޭނުންވާ ކަންކަމަށާއި، ކެއިން ބުމާއި ބޯހިޔާވަހިކަމުގައި ދިވެހީންގެ އެހީތެިރކަން ޣައްޒާގެ ރައްޔިތުންނަށް ބޭނުންވާ ކަމަށެވެ.
އަދި އެ އެހީތެރިކަން ފޯރުކޮށްދިނުމަށް، ދިވެހީންގެ ކިބައިން އެ ޖަމިއްޔާއިން ވަނީ އެދިފައެވެ.
އައިއޭސީ މެދުވެރިކޮށް ޣައްޒާއަށް އެހީތެރިކަން ފޯރުކޮށްދޭން ބޭނުންވާ ފަރާތްތަކަށް ޓްރާންސްފާ ކުރެވޭނެ އެކައުންޓްތައް:
ބީއެމްއެލް އިސްލާމިކް: 7770000062741
އެމްއައިބީ: 90101555002111001
އެކައުންޓް ނަން: International Aid Campaign
އެކައުންޓް ލޭބަލް: IAC | EMERGENCY
Advertisement
This content is created and paid for by advertisers and does not involve Voice Journalists
