ދިވެހިރާއްޖޭގެ ގައުމީ އެއަރލައިން މޯލްޑިވިއަނުން އަނެއްކާވެސް ބަންގްލަދޭޝަށް އުދުހުންތައް ފެށުމަށް ތައްޔާރުވެއްޖެއެވެ.
މޯލްޑިވިއަނުން ބަންގާޅަށް ދަތުރުތައް ފެށުމަށް ތައްޔާރުވަމުންދާކަން ހާމަކޮށް އެ އެއާލައިނުން ވަނީ އެ ދަތުރުތަކަށް ޖެނެރަލް ޕެސެންޖަރ ސޭލްސް އެޖެންޓަކަށް ވާންބޭނުންވާ ފަރާތްތަކަށް ފުރުސަތު ހުޅުވާލާފައެވެ. މޯލްޑިވިއަން ހިންގާ އައިލެންޑް އޭވިއޭޝަނުން ބުނީ އެކަމަށް ޝައުގުވެރިވާ ކުްނފުނިތަކުން މިމަހުގެ 6 ވަނަ ދުވަހުގެ ކުރިން އެކަމަށް އެދި ހުށައެޅޭނެކަމަށެވެ.
މޯލްޑިވިއަނުން ވަނީ މީގެ ކުރިންވެސް ބަންގާޅަށް ދަތުރުތައް ބާއްވާފައެވެ. ނަމަވެސް އެޤައުމުގެ ސިޔާސީ މަޝްރަހަށް އާ ހަލަބޮލިކަމާއެކު އޮގަސްޓްމަހުގެ ތެރޭގައި އުދުހުންތައް ވަނީ މެދުކަނޑާލާފައެވެ. އޭރު މޯލްޑިވިއަނުން ދިޔައީ ކޮންމެ ހަފްތާއަކު އެއްފަހަރު ޑާކާއަށް ފްލައިޓް ބާއްވަމުންނެވެ.
ބަންގްލަދޭޝް އިން މިހާރުވެސް ބައެއް އެއާލައިންތައް ރާއްޖެއަށް އުދުހެއެވެ. އޭގެ ތެރޭގައި އެޤައުމުގެ އެންމެބޮޑު އެއާލައިން ޔޫއެސް ބަންގްލާ ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
