ކުރީ ސަރުކާރުން އަމިއްލަ ކުންފުނިތަކާ ހަވާލުކޮށް މަސައްކަތްކުރުވުމަށްފަހު ނުދީ ހުރި ފައިސާ މި ސަރުކާރުން ދޫކުރަން ފަށާފައިވާކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އައްޑޫ ސިޓީ ހިތަދޫ، މަރަދޫ، މަރަދޫފޭދޫ އަދި ފޭދޫގެ ރައްޔިތުންނާ ބައްދަލުކުރެއްވުމަށް ރޭ ބޭއްވި ޖަލްސާގައި ވާހަކަދައްކަވަމުން ރައީސް ޑރ.މުއިއްޒު ވިދާޅުވީ ކުރީ ސަރުކާރުން އަމިއްލަ ކުންފުނިތަކަށް ދޫނުކޮށް ހުރި ފައިސާ މި ސަރުކާރުން ދޭން ފަށާފައިވާކަމަށެވެ. އެގޮތުން ކުންފުނިތަކަށް ފައިސާ ދިނުމުގެ މަސައްކަތް އިއްޔެ ފަށާފައިވާކަން ރައީސް ވިދާޅުވިއެވެ.
ރައީސް ޑރ.މުއިއްޒު ވިދާޅުވީ މަސައްކަތްކުރުވުމަށްފަހު އަމިއްލަ ކުންފުނިތަކަށް ނުދީ ހުރި ފައިސާ ދޫކުރަން ފަށާފައިވާއިރު، ކޮންމެ ދުވަހަކުހެން އެފަދަ ބިލްތަކަށް ފައިސާ ދިނުމުގެ މަސައްކަތް ކުރަމުންދާަނެ ކަމަށެވެ.
ފައިސާ ލިބެން ޖެހިފައި ތިބި ޕްރައިވެޓް ސެކްޓަރުގެ ކުންފުނިތަކަށް ފެނިގެންދާނެ. ޖަމާވީމަ ފެންނާނެ. އެ ދަނީ ފައިސާ އިއްޔެއިން ފެށިގެން ޖަމާކުރަމުން އެހެންވީމާ މި މަސް ނިމޭއިރުގައި އިރާދަކުރެއްވިއްޔާ އަޅުގަނޑުމެންގެ އަމާޒަކީ މި ގޮތަށް ދޭން ހުރިހާ ފައިސާއަށް ދީ ނިންމުން
ރައީސް ވިދާޅުވިއެވެ
މަޝްރޫޢުތައް އަމިއްލަ ކުންފުނިތަކާ ހަވާލުނުކޮށް ސަރުކާރުގެ ކުންފުނިތަކާ ހަވާލުކުރާ މައްސަލާގައި ވާހަކަދައްކަވަމުން ރައީސް ވިދާޅުވީ މިއަދު ފެށުމަށް ހަމަޖެހިފައިވާ މަޝްރޫޢުތައް އަމިއްލަ ގިނަ ކުންފުނިތަކަކާ ހަވާލުކުރެވިގެންދާތަން ފެނިގެންދާއިރު، އެކަމުގެ ސަބަބުން ވަރަށްގިނަ ފައިދާތައް ކުރިއަށްއޮތްތަނުގައި ފެނިގެންދާނެ ކަމަށެވެ.
އެގޮތުން ސަރުކާރު ހިއްސާވާ އަދި ސީދާ ސަރުކާރުެގ ކުންފުނިތަކާ މަސައްކަތް ހަވާލުކުރާ ބީދައިން ކުރިއަށް އޮތްތަނުގައި އަމިއްލަ ކުންފުނިތަކާވެސް މަޝްރޫޢުތައް ހަވާލުކުރެވި އޭގެ މަންފާ ފެނިގެންދާނޭކަމަށް ރައީސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
