ތޫފާން މެލީސާގެ ސަބަބުން ކެރީބިއަން ސަރަހައްދުގެ ޤައުމުތަކަށް ބޮޑެތި ގެއްލުންތަކެއް ލިބިފައިވަނިކޮށް، އިންޑިއާއިން ކިއުބާއަށާއި ޖަމައިކާއަށް އެހީގެ ތަކެތި ފޮނުވައިފިއެވެ.
އިންޑިއާގެ ޚާރިޖިއްޔާއިން ބުނީ 20 ޓަނުގެ އިންސާނީ އެހީ ހިފައިގެން އިންޑިއާގެ ވައިގެ ސިފައިންގެ ފްލައިޓެއް އަންގާރަ ދުވަހު ފުރާފައިވާކަމަށެވެ. އިންޑިއާއިން ފޮނުވި އެހީގެ ތަކެތީގެ ތެރޭގައި ކާބޯތަކެއްޗާއި، ބޭހުގެ އިތުރުން ކަރަންޓް ކަނޑައިގެން ދިޔުމުގެ މައްސަލައަށް ހައްލެއް ހޯދުމަށް ޖެނެރޭޓަރުތަކެއްވެސް ހިމެނެއެވެ. ތޫފާނުގެ ސަބަބުން ޖަމައިކާގެ ބޮޑު ބަޔަކުން ނިމުނު ހަފްތާގައި ކަރަންޓު ކެނޑުނެވެ.
ތޫފާން މެލީސާގެ ސަބަބުން ކެރީބިއަން ސަރަހައްދުން 75 އަށްވުރެ ގިނަ މީހުން މަރުވިއެވެ. އަދި ޖަމައިކާގައި އެކަނިވެސް 1.5 މިލިއަން މީހުންނަށް ތޫފާނުގެ ސަބަބުން އަސަރުކޮށްފައިވެއެވެ. ކާބޯތަކެއްޗަށް ބޭނުންވެފައިތިބި 36 ހާސް މީހުން އެގައުމުގައި އެބަތިބިކަމަށް އދއިން މިދިޔަ ހަފްތާގައި ބުންޏެވެ.
މިއީ މިހާތަނަށް ޖަމައިކާއަށް އެރި އެންމެ ވަރުގަދަ ތޫފާންކަމަށް މީޑިއާ ރޕޯޓްތައް ބުނެއެވެ.
ރެޑް ކްރޮސްއިން ބުނާ ގޮތުގައި ކިއުބާގައި ތޫފާނުގެ އަސަރުކުރި މީހުންގެ އަދަދު 2.2 މިލިއަނަށް އަރައެވެ
Advertisement
This content is created and paid for by advertisers and does not involve Voice Journalists
