ފުރުގާން މިސްކިތަށް ގެއްލުންދިންތާ ހަފްތާއެއް ނުވަނީސް މިއަދު ހެނދުނު ތައިބާ މިސްކިތުގެ ބައެއް ބިއްލޫރިތައް ތަޅާލައިފިއެވެ.
މަންޒަރުދުށް ބައެއް މީހުން ބުނީ މި ހާދިސާ ހިނގާފައިވަނީ މިއަދު ހެނދުނު 06:45 ހާއިރުކަމަށެވެ. ތައިބާ މިސްކިތަށް ގެއްލުންދިން މީހާ ވަނީ ޕޭމަންޓް ގާބުރިއެއް އެއްލައި މިސްކިތުގެ ކުޑަދޮރުގެ ބިއްލޫރިގަނޑު ތަޅާލާފައެވެ.
ތައިބާ މިސްކިތަށް ގެއްލުންދީފައި... ފޮޓޯ: ސޯޝަލް މީޑިއާ
މިހާދިސާގައި މިސްކިތު ތެރެއަށް ބިއްލޫރިތަށް އެޅި މިސްކިތު ނަމާދުކުރާ ބަޔަށް ވަނީ ގަލިގެ ބައިތަށް ވަކިވެ ގައުކުނޑިތައްވެސް އެޅިފައެވެ.
ތައިބާ މިސްކިތަށް ގެއްލުންދީފައި... ފޮޓޯ: ސޯޝަލް މީޑިއާ
މިކަން ކުރި މީހާ އެވަގުތު ފުލުހުންގެބެލުމުގެ ދަށަށް ވަނީ ގެންގޮސްފައެވެ.
މީގެ ހަފްތާއެއްހާ ދުވަސްކުރިން ފުރުގާން މިސްކިތުގެ ކުޑަދޮރެއްވެސް ވަނީ ތަޅާލާފައެވެ. އެ ހާދިސާ ހިނގާފައިވަނީ ދަންވަރުގެ ވަގުތެއްގައެވެ. އެ ހާދިސާގައިވެސް ކުޑަދޮރު ތަޅާލާފައިވަނީ ޕޭމަންޓް ގަލެއް އެއްލައިގެންނެވެ.
Advertisement
This content is created and paid for by advertisers and does not involve Voice Journalists
