ފުވައްމުލަކަށް ދިމާވި ފެނުގެ ހާދިސާގައި ކުރީގެ ހާރިޖީ ވަޒީރު ޢަބްދުﷲ ޝާހިދު ސަރުކާރަށް ވަރަށްބޮޑަށް ފާޑުވިދާޅުވެ ވާހަކަފުޅު ދައްކަވައިފިއެވެ.
ފުވައްމުލައް ފެނުގެ ނެޓްވޯކަށް ބައެއް ފަރާތްތަކުން ކްރޮސް ކަނެކްޝަން ހަދާފައިވުމުގެ ސަބަބުން އެންމެފަހުން ސަޕްލައި ފެން ތަޣައްޔަރުވުމުން ފެނަކައިން ވަނީ ފެނުގެ ހިދުމަތްދިނުން ވަގުތީގޮތުން މެދުކަނޑާލާފައެވެ.
މި މައްސަލައާ ގުޅިގެން ކުރީގެ ހާރިޖީ ވަޒީރު ޝާހިދު އެކްސްގައި ވިދާޅުވީ، ސަޕްލައި ފެނުުގައި މައްސަލަތަކެއް އުޅޭކަން އެނގޭތާ އެތައް ދުވަހެއްވީއިރުވެސް، އެމައްސަލަ ހައްލުކުރުމަށް ސަރުކާރުގެ ކަމާ ބެހޭ އިދާރާތަކާ ހިދުމަތް ފޯރުކޮށްދޭ ކުންފުންޏަށް އެކަމަށް އިޖާބަދެވިފައި ނުވާކަމަށެވެ.
ޝާހިދު ވިދާޅުވީ ފުވައްމުލަކުުގެ ގޭބިސީ ތަކުގައި ދިރިއުޅޭ ރައްޔިތުން އެވަނީ އަަސާސީ ޙައްޤަކުން މަހުރޫމު ކުރެވިފައި ކަމަށާއި، ރައްޔިތުގެ އަސާސީ ޙައްޤުތައް ރައްކާތެރި ކުރުމާއި، ޚިދުމަތް ފޯރުކޮށް ދިނުމުގައި ސަރުކާރު މިވަނީ ފެއިލް ވެފައިކަމަށެވެ.
އެހެން ރަށްތަކާއި އަތޮޅުތަކާއި ސިޓީތަކުގައި ވެސް ކެނޑިނޭޅި މިފަދަ މައްސަތައް އިތުރުވަމުން ފުނިޖެހެމުންދާކަމަށް ޝާހިދު ވިދާޅުވިއެވެ.
ފުވައްމުލަކު ފެނުގެ ނިޒާމުގެ މައްސަލަ ގޯސްވެފައިވާއިރު، އެރަށު ކައުންސިލުން ބުނެފައިވަނީ ފެނުގެ ހިދުމަތް އަލުން ދިނުމަށް 2 ދުވަސް ނަގާނޭކަމަށެވެ. ފުވައްމުލަކަށް ފެނުގެ މައްސަލަ ދިމާވުމުން ސަރުކާރުން ވަނީ އާއްމުނަށް ސާފް ބޯފެން ފޯރުކޮށްދިނުމުގެ ގޮތުން އެމްއެންޑީއެފް މެދުވެރިކޮށް ފެން ފޯރުކޮށްދިނުމުގެ މަސައްކަތް ފަށާފައެވެ.
Advertisement
This content is created and paid for by advertisers and does not involve Voice Journalists
