ވަރލްޑްކަޕުން ޖާގައެއް ހޯދުމަށް ނޯވޭއިން ކުރަމުންއައި އުއްމީދުތައް އެންމެފަހުން ޔަގީނާ ގާތަށް ޖެހިލައިފިއެވެ.
ނޯވޭއިން ވަރލްޑްކަޕް ޖާގައެއް ކަށަވަރުކުރުމާ ގާތަށް ޖެހިލާފައިވަނީ ކޮލިފައިންގައި އެސްޓޯނިއާ އާ ދެކޮޅަށް ކުޅުނުމެޗް ކާމިޔާބުކޮށްގެންނެވެ. ނޯވޭގައި ކުޅުނު މިމެޗް އެޓީމް ކާމިޔާބުކުރީ 4-1 ގެ ނަތީޖާއަކުންނެވެ. މިމެޗްގައި ނޯވޭގެ ކެޕްޓަން ހާލާންޑް ވަނީ ދެ ލަނޑު ކާމިޔާބުކޮށްދީފައެވެ.
މެޗްގައި ފެނިގެންދިޔަ ހުރިހާ ގޯލްތަކެއް ޖަހާފައިވަނީ ފަހުހާފްގެ ތެރޭގައެވެ. ނޯވޭއިން މޮޅަށް ކުޅުނު މެޗްގައި އެޓީމަށް ގޯލް ހުޅުވާލަދިނީ 50 ވަނަ މިނެޓް ތެރޭގައި ސޯލޮތް އެވެ. އަދި އޭގެ މިނެޓެއްފަހުން އޭނާ ވަނީ އިތުރު ލަނޑެއް ޖަހައި މެޗްގެ ނަތީޖާ 2-0 އަށް ބަދަލުކޮށްފައެވެ. މެޗްގައި ހާލާންޑުގެ ފަރާތުން ގޯލްތައް ފެނިގެން ގޮސްފައިވަނީ 56 އަދި 62 ވަނަ މިނެޓް ތެރޭގައެވެ.
މެޗްގައި އެސްޓޯނިއާއަށް ސުންކަނޑުވާލަދިނީ 64 ވަނަ މިނެޓް ތެރޭގައި ސާމާއެވެ.
މެޗަށްފަހު މި ގްރޫޕުން އެންމެ ގިނަ ޕޮއިންޓް ލިބިގެން ނޯވޭއަށް ވަނީ ވަރލްޑްކަޕް ޖާގައެއް ކަށަވަރުވެފައެވެ. ކުޅުނު 7 މެޗުން މޮޅުވެ އެޓީމަށް ވަނީ 21 ޕޮއިންޓް ހޯދާފައެވެ.
ޕޮއިންޓް ތާވަލް
ނޯވޭއިން އެންމެފަހުން ވަރލްޑްކަޕް ކުޅެފައިވަނީ މީގެ 28 އަހަރުކުރިން ފްރާންސްގައި ބޭއްވި މުބާރާތުގައެވެ. އެފަހަރުގެ މުބާރާތުގައި ނޯވޭއިން ވަނީ މަޝްހޫރު ބްރެޒިލް ބަލޮކޮށް ގްރޫޕް ސްޓޭޖް ފަހަނަ އަލައި ނޮކްއައުޓް ބުރަށް ދަތުރުކޮށްފައެވެ. ނޮކްއައުޓް ބުރުގައި ނޯވޭ މުބާރާތުން ކެޓީ އިޓަލީއަތުން 1-0 ގެ ނަތީޖާއަކުން ބަލިވުމުންންވެެ.
Advertisement
This content is created and paid for by advertisers and does not involve Voice Journalists
