އިންޑިއާގެ ވައިގެ ދަތުރުފަތުރުގެ ސިނާޢަތު ވަރަށް ހަލުވި ދުވެއްޔެއްގައި ކުރިއަރަމުން އަންނަކަމަށް އެގައުމުގެ ސިވިލް އޭވިއޭޝަން މިނިސްޓަރ ވިދާޅުވެއްޖެއެވެ.
އިންޑިއާގެ ޔޫނިއަން މިނިސްޓަރ ފޮރ ސިވިލް އޭވިއޭޝަން ރާމް މޯހަން ނައިޑޫ ކިންޖަރަޕޫ މިހެން ވިދާޅުވީ ވިޝާކަޕަޓްނަމްގައި އޮތް އިންޑިއާގެ ވިޔަފާރިވެރިންގެ ޖަމްއިއްޔާގެ މަހާސިންތާއެއްގައެވެ. އޭނާ ވިދާޅުވީ އެއަރޕޯޓްތައް ހަދާ، ޕެސެންޖަރ ކެޕޭސިޓީ އިތުރުކުރުމުގައި އިންޑިއާއިން ކުރިއެރުންތައް ހޯދައިފިކަމަށާއި، ކޮންމެ 50 ދުވަހަކުން އިންޑިއާގައި މިހާރު އާ އެއަރޕޯޓެއް އެބަ ހުޅުވާކަމަށެވެ.
އަދި ޚާއްސަކޮށް އަންދްރަޕްރަދޭޝްއިން އެކަމުގެ ފައިދާނަގައި، އޭވިއޭޝަން އަދި ލޮޖިސްޓިކްސް ހަބަކަށް އެ ސްޓޭޓް ބަދަލުވަމުން އަންނަކަމަށެވެ. އަންދްރަ ޕްރަދޭޝްގައ މިހާރުވެސް 7 އެއަރޕޯޓް އޮތްއިރު، އިތުރު 7 އެއަރޕޯޓް ހެދުމަށް މަސައްކަތް ދަނީ ކުރިއަށެވެ. އަދި 4 ފްލައިން ސްކޫލެއްވެސް އެ ސްޓޭޓަށް އަންނަކަމަށް ވަޒީރު ވިދާޅުވިއެވެ.
އިންޑިއާއަކީ މިހާރުވެސް ދުނިޔޭގެ އެންމެ ހަލުވި މިނެއްގައި ކުރިއަރަމުން އަންނަ އޭވިއޭޝަން މާކެޓެވެ.
Advertisement
This content is created and paid for by advertisers and does not involve Voice Journalists
