ބަންގްލަދޭޝްގެ ކޯޓަކުން ހަސީނާ މެރުމަށް ހުކުމްކޮށްފި
ބަންގްލަދޭޝްގެ އިންޓަރނޭޝަނަލް ކްރައިމްސް ޓްރިބިއުނަލުން އެޤައުމުގެ ކުރީގެ ބޮޑުވަޒީރު ސެއިހް ހަސީނާއަށް މަރުގެ އަދަބުދިނުމަށް މިއަދު ހުކުމްކޮށްފިއެވެ.
ބަންގްލަދޭޝްގެ ދާޚިލީ ހަމަނުޖެހުންތަކުގައި ފުލުހުން މީހަކު މަރާލި މައްސަލާގައި މިދިޔަ އަހަރުގެ އޮގަސްޓްމަހުގެ ތެރޭގައި ވަނީ ޝެއިޚް ހަސީނާއާ ދެކޮޅަށް މަރުގެ ތަހުގީގެއް ފަށާފައެވެ. މި މައްސަލަ ހުށަހަޅާފައިވަނީ ވިޔަފާރިވެރިއެއް ކަމަށްވާ އާމިރު ހަމްޒާއެވެ. މައްސަލަ ހުށަހެޅީ ޖުލައި މަހު، މަގުމަތިން ދަނިކޮށް ބޮލަށް ބަޑި ޖަހައި މަރާލި، ފިހާރައެއްގެ ވެރިޔާ އަބޫ ސައީދާގެ މަރުގެ މައްސަލައާއި ގުޅިގެންނެވެ.
މި މައްސަލާގައި ކޯޓުން ވަނީ މިދިޔަ އަހަރު ކިޔަވާދިން އިސްވެފެށި އެ މުޒާހަރާގައި ދަރިވަރުންނާ ދެކޮޅަށް ސަރުކާރުން ނަހަމަ ގޮތުގައި ކޮށްފައިވާ ބާރުގެ ބޭނުންކޮށްފައިވާކަމަށެވެ. އެގޮތުން ސަރުކާރުން ނިންމި ނިންމުމުގެ ސަބަބުން ގިނަ ބައެއްގެ ފުރާނަ ގެއްލިފައިވާކަމަށެވެ. ހަސީނާގެ އިތުރުން ކުރީގެ ހޯމް މިނިސްޓަރު އަސަދުއްޒަމާން ހާނަށްވެސް ވަނީ ކޯޓުން މަރުގެ އަދަބު އިއްވާފައެވެ.
ބަންގްލަދޭޝްގައި ހަފްތާތަކެއް ވަންދެން ކުރިއަށްދިޔަ ދަރިވަރުންގެ މުޒާހަރާތަކުގައި 400 އަށްވުރެ ގިނަ މީހުންގެ ފުރާނަ ގެއްލުނެވެ.
ހަސީނާގެ މައްޗަށް ސަރުކާރުން ކުރަމުންގެންދާ ދައުވާތަކަށް އޭނާ ވަނީ ވަރަށް ހަރުކަށިކޮށް ވާހަކަދައްކާފައެވެ. އެގޮތުން ހަސީނާ ވިދާޅުވެފައިވަނީ ބަންގްލަދޭޝްގައި އޮތް ވެރިކަން ބަދަލުވެގެން ދިޔައީ ޔޫނުސް އަޑީގައި ހުރެގެން އެމެރިކާގެ އެއްބާރުލުމާއެކުގައިކަމަށެވެ. ބަގާވާތަށް ޔޫނުސް ފައިނޭންސް ކޮށްފައިވާއިރު، ހަސީނާ ވަނީ ބަންގްލަދޭޝްގެ ވެރިކަން ފުރޮޅިގެންދިޔަ ދިއުމަކީ ދިން ޓެރަރިސްޓް ހަމަލާއެއްގެ ގޮތުގައި ސިފަކުރައްވައި ޢަދުލުއިންޞާފު ޤާއިމްކުރުމަށްޓަކައި އެނބުރި ޤައުމަށް ވަޑައިގަންނަވާނެ ކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
