އުސޫލާ ހިލާފަށް އެއްވެސް ކުންފުންޏަކަށް މަޝްރޫޢުއެއް ހަވާލުކޮށްފައެއް ނުވާނެ: ރައީސް
ޤާނޫނީ އިމުން ބޭރުން އެއްވެސް ކުންފުންޏަކަށް މަޝްރޫޢުއެއް ހަވާލުކޮށްފައެއް ނުވާނޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ސަރުކާރުން ކުރިއަށްގެންދާ އުމްރާނީ ތަރައްޤީގެ މަސައްކަތްތަކާ ގުޅޭގޮތުން މިރޭ ވާހަކަދައްކަވަމުން ރައީސް ވިދާޅުވީ އުމްރާނީ ތަރައްޤީގެ މަޝްރޫޢުތަކަކީ މި ސަރުކާރުން އެންމެ އިސްކަންދޭ އެއް ދާއިރާކަމަށެވެ. ރައީސް ވިދާޅުވީ 1875 އުމްރާނީ ތަރައްޤީގެ މަޝްރޫޢު ކުރިއަށްދާއިރު، އަމިއްލަ ފަރާތްތަކާ ހަވާލުކޮށްގެންވެސް މިހާރު މަޝްރޫޢުތައް ކުރިއަށްދާކަމަށެވެ.
ރައީސް ވިދާޅުވީ މީގެ ތެރެއިން ޕްރައިވެޓް ސެކްޓާއަށް 200 އަށްވުރެ ގިނަ މަޝްރޫޢު ހަވާލުކުރެވިގެންދިޔައިރު ބައެއް މަޝްރޫޢުތައް އުސޫލާ ހިލާފަށް ހަވާލުކުރިކަމުގެ ވާހަކަ ދައްކާފައިވާކަމަށެވެ. ޤާނޫނާއި ގަވާއިދާ ހިލާފަށް މި ސަރުކާރަކުން ހަމަ އެއްވެސް ކަމެއް ނުކުރާނޭކަން ފާހަގަކުރައްވަމުން ރައީސް ވިދާޅުވީ އަމިއްލަ ފަރާތްތަކަށް އުސޫލްތަކާ ހިލާފަށް ހަމަ އެއްވެސް މަޝްރޫޢުއެއް ހަވާލުކޮށްފައި ނުވާނޭކަމަށެވެ.
" ދެންހަމަ މިނިވަން މުއައްސަސާތައް އޭސީސީ، ޕީޖީވެސް ހުރިހާތާކުން ހަމަ ބައްލަވަންވީ" ރައީސް ވިދާޅުވިއެވެ
ރައީސ ްވިދާޅުވީ އެ 230 މަޝްރޫޢުގެ މަސައްކަތް ފެށީ ރައްޔިތުންގެ ލާބައަށް ކަމަށާއި، ރައްޔިތުންގެ މަންފާއަށް ހިންގާ ކަންކަމާ ދެކޮޅަށް ނިކުންނަންޖެހޭ ސަބަބެއް ނެތްކަމަށެވެ.
Advertisement
This content is created and paid for by advertisers and does not involve Voice Journalists
