އިސްރާއީލުން ޣައްޒާގައި ހިންގަމުން އަންނަ އުދުޢާންތައް ހުއްޓާލުމަށް އެއްބަސްވިފަހުންވެސް ޣައްޒާއަށް އެތައް ފަހަރެއްގެ މަތިން ހަމަލާތައް ދީފައިވާކަމަށް އދ އިން ބުނެފިއެވެ.
ޖެނީވާގައި ކުރިއަށްދިޔަ ބައްދަލުވުމެއްގައި އދ ގެ ކުޑަކުދިންނާ ބެހޭ ޖަމިއްޔާ ޔުނިސެފްގެ ތަރުޖަމާން ރިކާޑޯ ޕިރޭޒް ވިދާޅުވީ ހަމަލާތައް ހުއްޓާލިފަހުން މިދިޔަ މަހުގެ ނިޔަލަށް ޣައްޒާސިޓީން އެކަނިވެސް 67 ކުޑަކުދިން އިސްރާއީލުން ގަތުލުޮށްފައިވާކަމަށެވެ. އޭނާ ވިދާޅުވީ އިސްރާއީލުން ޢައްޒާސިޓީގެ އެކި ސަރަހައްދުތަކަށް ދެމުްނ ގެންދާ ހަމަލާތަކުގައި އުމުރުން ވަރަށް ޅަ ކުދިންގެވެސް ފުރާނަ ގެއްލިފައިވާކަމަށެވެ.
އޭނާ ވިދާޅުވީ އިސްރާއީލްގެ އެ އަމަލުތަކުގެ ވާހަކަ އެ ޖަމިއްޔާއިން ތަކުރާރުކޮށް ދައްކަމުންދާކަމަށާއި، އިސްރާއީލް ސިފައިން އެ ގެއްލުވާލަނީ މައުސޫމް ކުށެއްނެތް އެތައް އެތައް އާއިލާތަކެއްގެ ފުރާނަ ކަމަށެވެ.
އިސްރާއީލުން ޣައްޒާ ސިޓީގައި 2024 ވަނަ އަހަރުގެ އޮކްޓޯބަރުމަހުފެށި އެ އުދުޢާންތަކުގައި މިހާތަނަށް އެ ސިޓީގެ 64،000 ކުޑަކުދިންގެ ފުރާނަ ގެއްލިފައިވާއިރު، އެތައް ކުޑަކުދިންނެއް ވަނީ ހަމަލާތަކުގައި ލިބުނު ގެއްލުންތަކުގައި ނުކުޅެދޭ ހާލަތަށް ގޮސްފައެވެ.
ކަމާބެހޭ ފަރާތްތަކުން ބުނާގޮތުގައި އިސްރާއީލުން ހަމަލާތައް ހުއްޓާލިފަހުން މިހާތަނަށް 393 ކަށްވުރެ ގިނަ ފަހަރު ވައިގެ މަގުންނާއި އެއްގަމުމަގުން ވަނީ ޣައްޒާސިޓީއަށް ހަމަލާތައް ދީފައެވެ.
Advertisement
This content is created and paid for by advertisers and does not involve Voice Journalists
