އަޅުގަނޑުމެން ހިފާނީ މަސްތުވަާތަކެތީގެ މޭޖާ އިމްޕޯޓަރުން އަދި ސަޕްލަޔަރުން: އިހްސާން
މި ސަރުކާރުގެ މިހާރުގެ އަމާޒަކީ މަސްތުވާތަކެތި ރާއްޖެ އެތެރެކޮށް އެ ވިއްކުމުގެ އަޑީގައި ތިބި ބޮޑުން ހިފައި ހައްޔަރު ކުރުން ކަމަށް ދާޚިލީ ސަލާމަތާ ބެހޭ ވަޒީރު ޢަލީ އިހްސާން ވިދާޅުވެއްޖެއެވެ.
ސަރުކާރަށް ދެ އަހަރު ވުމާއި ގުޅިގެން ސަންގު ޓީވީން ގެނެސްދިން ޕްރޮގްރާމެއްގައި ވާހަކަދައްކަވަމުން އިހްސާން ވިދާޅުވީ، ޑްރަގްގެ މައްސަލަ ހައްލު ކުރުމަށް، ރާއްޖެއަށް ޑްރަގް ސަޕްލައި ކުރެވޭ މިންވަރު މަދުކުރުމަށް ކުރެވޭ މަސައްކަތުގެ ތެރެއިން ބޮޑެތި ކުރިއެރުންތަކެއް ލިބެމުންދާ ކަމަށެވެ. އެގޮތުން މިހާތަނަށް ގާތްގަނޑަކަށް 2.2 ބިލިއަން ދިވެހި ރުފިޔާގެ ޑްރަގްސް ރާއްޖޭގެ މަގުތަކަށް ދިޔުން ހުއްޓުވާފައިވާކަން ވަޒީރު ފާހަގަކުރެއްވިއެވެ.
އަދި މަސްތުވާތަކެތި އެތެރެކޮށް ވިއްކާ ފަރާތްތައް ހޯދައި، ދެނެގަނެ، އެފަރާތްތަކާދޭތެރޭ ފިޔަވަޅު އެޅުމަށް ޚާއްސަ މަސައްކަތްތަކެއް ފަށާފައިވާ ކަމަށް ވަޒީރު ވިދާޅުވިއެވެ.
މަސްތުވާތަކެތީގެ ވިޔަފާރީގައި އުޅޭ، މެދުފަންތީގެ ޓިޔާއަށް އަމާޒުކޮށްގެން މިދިޔަ ހަފްތާގައި އަޅުގަނޑުމެންވާނެ 100 އެއްހާ މީހުންނަށް އަމާޒުކޮށްގެން އޮޕަރޭޝަނެއް ހިންގާފައި. ނިމުނު އިރު 110 މީހުން ވަނީ ހައްޔަރު ކުރެވި އެމީހުން މަސްތުވާތަކެތި ވިއްކުމުގައި ގެންގުޅުނު އާލާތްތަކާއި، މަސްތުވާތަކެއްޗާ ފައިސާއާ އަތުލެވިފައި. އޭގެތެރޭގައި ގާތްގަނޑަކަށް 23 މިލިއަން ރުފިޔާގެ، މަގުމަތީ އަގުގެ ޕްރޮޑަކްޓްތައް ހިމެނޭ
ވަޒީރު އިހްސާން
މިއާއެކު އިހްސާން ވިދާޅުވީ، ދެން ކުރަން އޮތް މަސައްކަތަކީ ރާއްޖެއަށް އެތެރެކޮށް، ރާއްޖޭތެރޭގައި އެ ވިއްކުމުގެ އެންމެ ބޮޑު ނެޓްވޯކް ހިންގާ މީހުން ހިފައި ހައްޔަރު ކުރުން ކަމަށެވެ.
ދެން މަސްތުވާތަކެއްޗަށް ފުރުސަތެއް ނުލިބޭނެ. އަޅުގަނޑުމެން އެމީހުން ހިފައި ހައްޔަރު ކުރާނަން. އެހެންވީމާ ފުލުހުންގެ ހުރިހާ މަސައްކަތެއް ހުރި މި މީހުންނާ ހަމައަށް ވާސިލް ވުމަށް
ވަޒީރު އިހްސާން
މިއާއެކު ވަޒީރު ވިދާޅުވީ، ކުދިކުދި ޑްރަގް ވިއްކާ މީހުން ޖަލަށްލާ ޒަމާނަކީ ފާއިތުވެފައިވާ ޒަމާނެއް ކަމަށާއި، ދެން އަމާޒު ހިފާނީ މި ކުށްތަކުގެ ފަހަތުގައިވާ ބޮޑެތި ޑީލަރުންނަށް ކަމަށެވެ.
މިހާތަނަށް އަމަލުކުރެވިފައިވާ ރާއްޖޭގެ އޮތް ގޮތަކީ ޑްރަގްސް ބޭނުންކުރާ މީހުން ހައްޔަރު ކުރުމާ، ޑްރަގްސް ބޭނުންކުރާ މީހުންގެ ތެރެއިން އަދި އޭގެ ބޭރުން އަތުގައި ޑްރަގްސް ހުރެގެން އެމީހާ ހައްޔަރުކޮށްގެން އޭގެ މައްޗަށް ތަހުގީގު ހިންގާ އެމީހާ ޑްރަގް ޓްރެފިކިންއަށް ނުވަތަ ޑްރަގް ބޭނުންކުރި މީހެއްގެ ގޮތުގަ ބަލާ. ޖަލަށް ލައިގެން މިކަން ކުރަނީ. އަޅުގަނޑުމެން އެކަން ކުރަނީ ތަންކޮޅެއް ތަފާތުކޮށް. އަޅުގަނޑުމެން ގަބޫލުކުރަނީ އަޅުގަނޑުމެން ގޮސް ހިފަންޖެހެނީ މި ލައިންގެ އެންމެ ކޮޅުގަ ހުރި މީހާގެ ގައިގައި ކަމަށް، ރާއްޖެއަށް މަސްތުވާތަކެތި އެތެރެކޮށް އެ ވިއްކުން ފަށާ މީހުން. މޭޖާ އިމްޕޯޓަރުން އަދި ސަޕްލަޔަރުން. މި މީސްމީހުންގެ ގައިގައި މިމީސްމީހުން ފަހަތުން އަޅުގަނޑުމެން ދާނީ،"
ވަޒީރު އިހްސާން
އެކަމަށްޓަކައި ގާނޫނުގައި ހުރި ”ލޫޕް ހޯލްތައް“ ދެނެގަނެ ގާނޫނު އިސްލާހު ކުރެވިފައިވާ ކަމަށްވެސް އިހްސާން ވިދާޅުވިއެވެ.
Advertisement
This content is created and paid for by advertisers and does not involve Voice Journalists
