ބޮޓްސްވާނާ އިންޓަނޭޝަނަލް ބެޑްމިންޓަން ސީރީޒް މުބާރާތުން ރާއްޖޭގެ ގައުމީ ބެޑްމިންޓަން ޓީމުުގެ ކުޅުންތެރިން ރިހި މެޑައްޔަކާއި ލޯ މެޑައްޔެއް ހޯދައިފިއެވެ.

ދުނިޔޭގެ ބެޑްމިންޓަން ފެޑެރޭޝަން (ބީޑަބްލިއުއެފް) ގެ ރުހުމާއިއެކު ކުރިޔަށްގެންދާ މިމުބާރާތުގައި ވާދަކޮށް މެޑަލް ހޯދާފައިވަނި ރިވައިވަލް ސްޕޯޓްސް ކުލަބަށް ނިސްބަތްވާ ފާތިމަތު ނަބާހާ އާއި އައިމިނަތު ނަބީހާ އަދި ހުސައިން ޒަޔާން ޝަހީދު ޒަކީއެވެ.

އެގޮތުން އަންހެން ޑަބަލަސްއިން ނަބީހާ އާއި ނަބާހާގެ ޕެއާއިން ވަނީ ރިހި މެޑަލް ހޯދާފަަައެވެ. މި މުބާރާތުގެ ފައިނަލްގައި 2-1 ސެޓެން ނަބީހާ އާއި ނަބާހާ ބަލިވީ ދެކުނު އެފްރިކާގެ އެމީ އެކަމަން އާއި ޖޮހާނިޓާ ޝޯލްޓްޒްއާ  ވާދަކޮށެވެ. މި މެޗުގެ ސެޓުތައް ދިޔައީ 21-19، 13-21 އަދި 15-21 އިންނެވެ.

މީ ނަބީހާ އާއި ނަބާހާ ޕެއާއަށް އެފްރިކާ ޓުއާގައި ލިބުނު ދެވަނަ ރިހި މެޑަލްެެއެވެ. މީގެކުރިން މިމަހު ކުރިޔަށް ދިޔަ ޒެމްބިޔާ އިންޓަނޭޝަނަލް ބެޑްމިންޓަން ސީރީޒްގެ ފައިނަލްގައި ވާދަކޮށް ވެސް ސީދާ ދެ ސެޓުން، 21-16 އަދި 21-14 އިން، ރިހި މެޑަލް ހާސިލު ކޮށްފައިވެއެވެ.

ބޮޓްސްވާނާ މުބާރާތުގެ މިކްސްޑަބަލް ގައި ވާދަކޮށް ޒަޔާން އާއި ނަބާހާގެ ޕެއާއިން ވަނީ ލޯ މެޑަލް ކާމިޔާބު ކޮށްފައެވެ. މިޕެއާ ދެކުނު އެފްރިކާގެ ރޮބާޓްސް ސަމާސް އާއި އެމީގެ ޕެއާއާއި ސެމީފައިނަލް ގައި ވާދަކޮށް 21-15 އަދި 12-21 އިން ވަނީ ބަލިވެފައެވެ. ނަމަވެސް މިޕެއާ އިން ވަނީ މިމަހު ކުރިޔަށްދިޔަ ޒެމްބިޔާ މުބާރާތުން ރަން މެޑަލް ހާސިލުކޮށްފައެވެ. 

މިކުޅުންތެރިން ދެންވާދަ ކުރާނީ ދެކުނު އެފްރިކާގެ ކޭޕްޓައުންގައި ނޮވެމްބަރު 27 އިން 30 އަށް ބޭއްވޭ މެޗުތަކުގައުވެ.