ސްރީލަންކާގައި ތިބި އިންޑިއާގެ 300 އަށްވުރެ ގިނަ ރައްޔިތުން އަނބުރާ ޤައުމަށް ގެންގޮސްފިއެވެ.
ލަންކާއަށް އެރި ތޫފާން ދިތުވާއާ ގުޅިގެން އެމީހުން އަނބުރާ އިންޑިއާއަށް ގެންގޮސްފައިވަނީ އިންޑިއާ އެއާފޯސްގެ ބޯޓެއްގައެވެ. ގެންދިޔަ މީހުންގެ ތެރޭގައި ވަރަށް ގިނަ އަހަރުވަންދެން ލަންކާގައި އެކި ބޭނުންތަކުގައި އުޅެމުންއައި މީހުން ހިމެނެއެވެ.
ލަންކާއަށް އެރި ތޫފާނުގެ ސަބަބުން އަސަރުކުރި އިންޑިއާ ރައްޔިތުން ފޮނުވާލުމުގެ މަސައްކަތް ދެ ޤައުމުން ގުޅިގެން ފެށީ އިއްޔެގެ ވަގުތެއްގައެވެ.
ސްރީލަންކާގައި އުޅޭ އިންޑިއާގެ ބައެއް ރައްޔިތުން އެނބުރި ޤައުމަށް ދިއުމަށް އެއާފޯސް ބޯޓުގައި. ފޮޓޯ: އިންޑިއަން އާމީ
ތޫފާން ދިތުވާގެ ސަބަބުން ލަންކާގައި ހާލުގައި ޖެހިފައިވާ މީހުންނަށް އަމަލީގޮތުން އެންމެ ފުރަތަމަ ކާބޯތަކެއްޗާއި ވަސީލަތްތައް ހަދިޔާކުރީ އިންޑިއާއިންނެވެ. އެޤައުމުން ފޮނުވާލި ފުރަތަމަ ޝިޕްމަންޓްގައި 12 ޓަނުގެ ތަކެތި ހިމެނެއެވެ. އިންޑިއާގެ މިލިޓަރީ އެއާ ފްލީޓް C-130 ގައި ލަންކާއަށް ގެންދިޔަ ތަކެތީގެ ތެރޭގައި ހިމެނެނީ ބްލޭންކެޓާއި، ސަތަރި، ހައިޖީން ކިޓް، އަދި ކެއިން ބުއިމަށް ބޭނުންކުރާ ތަކެއްޗެވެ.
މީގެ އިތުރުން ރޭ އިންޑިއާއިން ވަނީ ބޭހާއި، މެޑިކަލް ސާމާނު ފޮނުވާފައެވެ.
ތޫފާން ދިތުވާގެ ސަބަބުން ގިނަ އަވައްތަކެއް ފެނުއަޑީގައި އޮތްއިރު، މިހާތަނަށް 2012 އަށްވުރެ ގިނަ މީހުންގެ ފުރާނަ ވަނީ ގެއްލިފައެވެ.
Advertisement
This content is created and paid for by advertisers and does not involve Voice Journalists
