ރަޝިއާގެ ރައީސް ވްލަޑިމިއާ ޕުޓިން އިންޑިއާއަށް
ރަޝިއާގެ ރައީސް ވްލަޑިމިއާ ޕުޓިން ރަސްމީ ދަތުރުފުޅެއްގައި މިއަދު އިންޑިއާއަށް ވަޑައިގެންފިއެވެ.
ޕުޓިން ދިއްލީއަށް ވަޑައިގަތުމުން އެއާޕޯޓުން އެމަނިކްފާނަށް މަރުހަބާ ދެންނެވީ، އިންޑިއާގެ ބޮޑުވަޒީރު ނަރެންދްރަ މޯދީއެވެ. ޕުޓިންގެ މި ދަތުރުފުޅަކީ ދެ ދުވަހުގެ ދަތުރުފުޅެކެވެ.
އިންޑިއާގެ ނޫސްތަކުން ބުނީ ޕުޓިން އިންޑިއާއަށް ކުރައްވާ މި ދަތުރުފުޅުގައި ރަޝިއާ އާއި އިންޑިއާ އާ ދެޤައުމުގެ ދެެމެދު ވިޔަފާރިއާއި އެނޫންވެސް ދާއިރާތަކުން އެއްބަސްވުންތަކުގައި ސޮއިކުރުމަށް ހަމަޖެހިފައިވާކަމަށެވެ.
ޕުޓިން އިންޑިއާއަށް ކުރެއްވި ޒިޔާރަތުގެ ތެރެއިން... ފޮޓޯ: ވިއޯން
އެގޮތުން އެންމެ މުހިންމު އެއްބަސްވުމެއްގެ ގޮތުގައި މީޑިއާތަކުން ފާހަގަކޮށްފައިވަނީ ހަކަތައިގެ އެއްބަސްވުންތަކެވެ. މި އެއްބަސްވުންތަކުގެ ތެރެއިން ރަޝިއާއިން އިންޑިއާއަށް ތެއޮ އެތެރެކުރުމާ ބެހޭގޮތުން އެކުލަވާލުމަށް ހަމަޖެހިފައިވާ އެއްބަސްވުންތައް ހިމެނެއެވެ.
ޕުޓިން އިންޑިއާއަށް ދަތުރުފުޅެއް ކުރައްވާފައިމިވަނީ އިންޑިއާ ރަޝިއާ އަހަރީ ސަމިޓްގައި ބައިވެރިވުމަށެވެ. މިއީ މި ބައްދަލުވުން ބާއްވާ 23 ވަނަ އަހަރެވެ. ރަޝިއާ އިންޑިއާ ސަމިޓްގެ ރަސްމީ ވާހަކަތައް ފެށުމަށް ހަމަޖެހިފައިވަނީ މާދަމާއެވެ.
Advertisement
This content is created and paid for by advertisers and does not involve Voice Journalists
