ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން އުތުރުގެ ބައެއް ރަށްތަކުގެ އުމްރާނީ ތަރައްޤީގެ މުހިންމު ބައެއް މަޝްރޫޢުތައް ފެށުމަށް ތައްޔާރުވެއްޖެއެވެ.
އާރުޑީސީން އެކްސްގައި ކުރި ޕޯސްޓެއްގައިވަނީ އުތުރުގެ އަތޮޅުތަކުގެ ބައެއް ރަށްތަކުގައި އެކުންފުނިން ކުރުމަށް ހަމަޖެހިފައިވާ މަސައްކަތްތައް ފެށުމަށް އަމަލީގޮތުން ތައްޔާރުވަމުންދާކަމަށް ބުނެފައެވެ. ބައެއް ރަށްތަކުގެ މަސައްކަތްތައް ފެށުމަށް ބޭނުންވާ ތަކެތި ފޮނުވުމުގެ މަސައްކަތް ކުރިއަށްދާކަމަށް އާރުޑީސީން ބުނެފައިވާއިރު، މިހާރުވެސް ބައެއް ރަށްތަކަށް ތަކެތި ގެންގޮސްފައިވާކަމަށް އެކުންފުނިން ބުންޏެވެ.
މަސައްކަތްކުރުމަށް ތަކެތި ފޮނުވަމުންދާ ރަށްތަކުގެ ތެރޭގައި ބ. ތުޅާދޫ އާއި ބ. ކުޑަރިކިލު އަދި ރ. އިނގުރައިދޫ އާއި ރ. މަޑުއްވަރީގެ އިތުރުން ރ. މާކުރަތާއި ނ. މާފަރު އަދި ށ. މަރޮށި ހިމެނެއެވެ.
އާރުޑީސީން އަންނަނީ އަތޮޅުތެރޭގެ ގިނަ ރަށްތަކެއްގައި އުމްރާނީ ގިނަ މަސައްކަތްތައް ކުރަމުންނެވެ. މީގެ ތެރޭގައި ރަށްރަށުގެ މަގުތައް ރަނގަޅު ފެންވަރަކަށް ހެދުމާއި، ނަރުދަމާގެ މަސައްކަތްތައް ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
