އީރާނަށް ހަމަލާދިނުމަށް ޔޫއޭއީގެ ފަރާތުން އެއްވެސް އެހީތެރިކަމެއް ނުލިބޭނޭކަމަށް އެޤައުމުގެ ހާރިޖިއްޔާއިން ރަސްމީކޮށް އިއުލާނުކޮށްފިއެވެ.
ޔޫއޭއީގެ ހާރިޖިއްޔާއިން މިރޭ ނެރުނު ނޫސްބަޔާނެއްގައި ބުނެފައިވަނީ، އީރާނަށް ހަމަލާދިނުމަށް ޔޫއޭއީގެ ވައިގެ ސަރަހައްދަާއި ކަނޑުގެ ސަރަހައްދު ބޭނުންކުރުމުގެ ހުއްދަ އެއްވެސް ބަޔަކަށް ނުދޭނޭކަމަށެވެ. އަދި މިކަމާ ގުޅޭ ލޮޖިސްޓިކް އެއްވެސް ކަމެއްގައި ޔޫއޭއީން އެއްބާރުލުން ނުދޭނެކަން ވަނީ އަންގާފައެވެ.
ޔޫއޭއީން ބުނީ މައްސަލައެއް ދިމާވެއްޖެނަމަ މަޝްވަރާގެ ރީތި އުސޫލަށް ޔޫއޭއީން އަބަދުވެސް އަބަދުވެސް އެއްބާރުލުން ދެމުންދާނޭކަމަށާއި، ކޮންމެ ޤައުމަކުންވެސް އަނެއްޤައުމުގެ ސިޔާދަތާއި އިސްތިގްލާލަށް ފުރިހަމަޔަށް އިހްތިރާމްކުރަން ޖެހޭނޭކަމަށެވެ.
އީރާނުގެ މަޝްރަހް ހޫނުވެފައިވާ މި ދަނޑިވަޅުގައި ޔޫއޭއީން ކުއްލިއަކަށް ބަޔާނެއް ނެރެފައިވާއިރު، މެދުއިރުމަތީގެ މަޝްރަހް މިވަގުތު އޮތީ ކޮންމެ ފަދަ ވަގުތެއްގައިވެސް ހަނގުރާމައަކަށް ގޮސްދާނެ ހާލަތެއްގައެވެ.
Advertisement
This content is created and paid for by advertisers and does not involve Voice Journalists
