ދެމެހެއްޓެނިވި ގޮތެއްގައި ހުރިހާ ރަށަކަށްވެސް އެމްބިއުލާންސްގެ ޚިދުމަތް ފޯރުކޮށްދިނުމުގެ މަސައްކަތުގެ ދަށުން މިހާތަނަށް 27 ރަށަކަށް ބޭނުންވާ އެމްބިއުލާންސް ހަވާލުކޮށްފިއެވެ.
މޯލްޑިވްސް ޕޯޓްސް ލިމިޓެޑް، އެމްޕީއެލްއިން މި މަސައްކަތް ފަށާފައިވަނީ މި މަހުގެ 19ވަނަ ދުވަހެވެ.
ޞިއްޙީ ވުޒާރާއިން އެމަސައްކަތް އެމްޕީއެލް އާއި ހަވާލުކޮށްފައިވަނީ މިދިޔަ އަހަރު ކޮންޓްރެކްޓަރ ފައިނޭންސް އުސޫލުގެ ތެރެއިންނެވެ. އެގޮތުން، އެކުންފުންޏާ 56 ރަށަކާއި ހަވާލުކުރާ އެމްބިއުލާންސްތައް ހަވާލުކޮށްފައެވެ. އެމްޕީއެލްއިން ބުނީ ބާކީ ހުރި އެމްބިއުލާންސްތައް ވެސް ލިބެންޖެހޭ ރަށްރަށަށް، ކައިރި މުސްތަޤުބަލެއްގައި ފޯރުކޮށްދިނުމަށް އެކުންފުނިން މަސައްކަތްކުރަމުން އަންނަ ކަމަށެވެ.
ހުރިހާ ރަށަކަށް ދެމެހެއްޓެނިވި ގޮތެއްގައި އެމްބިއުލާންސް ފޯރުކޮށްދިނުމުގެ މަސައްކަތަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، އަތޮޅުތަކުގެ މީހުން ދިރިއުޅޭ ރަށްރަށަށް ކުރެއްވި ދަތުރުފުޅުގައި އެރަށްރަށުގައި ހުރި އެކި މައްސަލަތައް ދެނެގަތުމުގެ ތެރެއިން ފެއްޓެވި މުހިންމު މަސައްކަތެވެ.
Advertisement
This content is created and paid for by advertisers and does not involve Voice Journalists
