މީހެއްގެ ފަރުވާ ކުޑަކަމުން އެކްސިޑެންޓްވެ އަނިޔާވި އަބޫބަކުރުބެ ނިޔާވެއްޖެ
ބ. އޭދަފުށީގައި ނުރައްކާތެރި އެކްސިޑެންޓެއް ހިންގާ ދޮށީ އުމުރުގެ މީހާ ނިޔާވެއްޖެ އެވެ.
އޭދަފުށީ، ސީސަންގެ އަބޫބަކުރު އަބްދުالله އެކްސިޑެންޓްވީ މި މަހުގެ 15 ވަނަ ދުވަހުގެ ރެ އެވެ. އުމުރުން 83 އަހަރުގައި އަބޫބަކުރުބެ މިއަދު ނިޔާވީ އެކްސިޑެންޓްގަައި ލިބުނު އަނިޔާތަކަށް މާލޭގަައި ފަރުވާ ދެމުން ދަނިކޮށެވެ. އަދި މިއަދުގެ އަސުރު ނަމާދަށް ފަހު ވަނީ ޖަނާޒާ ބާއްވާފަ އެވެ.
އެކްސިޑެންޓް ހިނގީ އަބޫބަކުރު، މަޣްރިބު ނަމާދު ނިމިގެން ގެއަށް ދަނިކޮށް ޕިކަޕެއްގެ ޖެހިގެންނެވެ. އެކްސިޑެންޓްވީ ޕިކަޕު ދުއްވަން އިންމީހާ ބަލަން ޖެހޭ ވަރަށް ނުބަލާ ދުއްވުމުންނެވެ.
އެ ރަށުން ވާހަކަ ދެއްކި ބައެއް މީހުން ބުނީ ޕިކަޕު ދުއްވި މީހާ އަކީ ގަވާއިދާ ހިލާފަށް ޕިކަޕު ދުއްވައިގެން މީގެ ކުރީން ވެސް ލައިސަންސް ހިފަހައްޓާފައިވާ މީހެއް ކަމަށެވެ. އޭނާ ހުރީ މިވަގުތު ފުލުހުންގެ ބެލުމުގެ ދަށުގަ އެވެ.
އޭނާގެ ސަބަބުން މީގެ ކުރީން ވެސް އެހެން މީހަކަށް މިފަދަ ބޮޑު އަނިޔާއެއް ލިބުނެވެ.
Advertisement
This content is created and paid for by advertisers and does not involve Voice Journalists
