ދައުލަތުގެ ބެލުމުގެ ދަށަށް ކުދިން ނަގާނީ ހިދުމަތް ދެވޭ މިންވަރަށް ބަލައިގެން ކަމަށް، މިނިސްޓަރ އޮފް ހެލްތު، ފެމިލީ އެންޑް ވެލްފެއަރ، ޤީލާ ޢަލީ ވިދާޅުވެއްޖެއެވެ.
ވަޒީރު މިހެން ވިދާޅުވެފައިވަނީ، ޕީއެސްއެމްގެ "ރާއްޖެ މިއަދު" ޕްރޮގްރާމްގައި ރޭ ވާހަކަދައްކަވަމުންނެވެ.
ވަޒީރު ފާހަގަކުރެއްވި ގޮތުގައި، ދައުލަތުގެ ބެލުމުގެ ދަށަށް ކުއްޖަކު ނެގިގެން ދިއުން، ނުވަތަ ދައުލަތުގެ ބެލުމުގެ ދަށަށް މީހަކު ގެނައުމަކީ، އެއީ ވަކި ހާލަތްތަކެއްގައި ވަކި ކަހަލަ އެސެސެމަންޓްތަކެއް ހެދުމަށްފަހު ނޫނީ ނިންމާ ނިންމުމެއް ނޫން ކަމަށެވެ.
ގީލާ ވިދާޅުވީ އެ ކުއްޖަކީ ނުވަތަ އެފަރާތަކީ، ދައުލަތުގެ ބެލުމުގެ ދަށަށް ގެންނަންޖެހޭ ހާލަތުގައި ހުރި ފަރާތެއްނަމަ، އެފަރާތެއް ދައުލަތުގެ ބެލުމުގެ ދަށަށް ގެންނަކަމަށް ވަޒީރު ފާހަގަކުރެއްވިއެވެ.
މީހަކަށް އަނިޔާއެއް ނޫނީއްޔާ އެ ކުއްޖަކަށް ރިސްކް ތަކެއް ހުރިކަމަށްވާނަމަ، އެކަން އެގޮތަށް ފާހަގަކުރެވިއްޖެނަމަ، ދައުލަތުގެ ބެލުމުގެ ދަށަށް ގެނައުމަކީ އެ ކުއްޖާއަށް ނުވަތަ އެ މީހަކަށް އެންމެ ފައިދާ ހުރި ކަމަށް ގޮތުގަ ޓެކްނިކަލީ ނޫނީ ފަންނީ އެސެސްމަންޓްތަކުން ނިންމައިފިނަމަ، ނެގިގެންދަނީ
ފެމިލީ އެންޑް ވެލްވެއާ މިނިސްޓަރު ޤީލާ އަލީ
ވަޒީރު އިތުރަށް ވިދާޅުވީ، އެކި އުމުރުފުރާގެ ކުދިން މިވަގުތު ދައުލަތުގެ ބެލުމުގެ ދަށުގައި ހުރިކަމަށާއި، އޭގެ ތެރޭގައި ވަރަށް ތުއްތު ކުދިންގެ އިތުރުން ބޮޑެތި އުމުރުފުރާގެ ކުދިން ވެސް ހިމެނޭ ކަމަށެވެ.
މިދިޔަ މާރިޗު މަހު އެކަނިވެސް ތަފާސްހިސާބުތަކުން ދައްކާ ގޮތުގައި، ކުޑަ ކުދިންނާއި ގުޅޭގޮތުން 90 އަށްވުރެ ގިނަ މައްސަލަތައް ދައުލަތައް ހުށަހަޅައިފާވެއެވެ.
Advertisement
This content is created and paid for by advertisers and does not involve Voice Journalists
