އީރާނުން ފޮނުވާލި ޑްރޯން ހަމަލާއެއް ޔޫއޭއީގެ ތެއޮ އުފައްދާ ކާރުހާނާއަކަށް އަމާޒުވެއްޖެއެވެ.

އަލްޖަޒީރާއިން ބުނީ، އީރާނުގެ ހަމަލާއެއް ޔޫއޭއީއަށް އަމާޒުވެފައިވާަކަމަށް އެޤައުމުގެ ދިފާއީބާރުން ޔަގީންކޮށްދީފައިވާކަމަށެވެ. އީރާނުގެ މި ހަމަލާ އަމާޒުވީ، ފުޖައިރާ އެމިރޭޓުގެ ތެޔޮ ފެސިލިޓީއަށެވެ. ޑްރޯން ހަމަލާގެ ސަބަބުން ބޮޑު އަލިފާންގަނޑެއް ފެތުރިގެންދިޔަކަމަށް މީޑިއާތަކުން ވަނީ ރިޕޯޓްކޮށްފައެވެ. ހާދިސާ ހިނގުމާއެކު އަލިފާން ނިއްވާ ޓީމުތަކުން އަލިފާންގަނޑު ކޮންޓްރޯލް ކުރުމުގެ މަސައްކަތް ވަނީ ކޮށްފައެވެ.

ފުޖައިރާ މީޑިއާ އޮފީހުން ނެރުނު ބަޔާނެއްގައި ބުނީ ޔޫއޭއީގެ އިރުމަތީ އައްސޭރީގައި ހުންނަ މުހިންމު ހަކަތައިގެ މަރުކަޒެއް ކަމަށްވާ ފުޖައިރާ އޮއިލް އިންޑަސްޓްރީ ޒޯނަށް އީރާނުން ފޮނުވާލި ޑްރޯނެއް ހަމަލާ ދިނުމާ ގުޅިގެން އެ ތަނުގައި އަލިފާން ރޯވި ކަމަށެވެ. ސިވިލް ޑިފެންސް ޓީމުތައް ވަގުތުން އެ ސަރަހައްދަށް ފޮނުވައި، އަލިފާން ނިއްވުމުގެ މަސައްކަތް ކޮށްފައިވާއިރު، މީހުންނަށް ލިބުނު ގެއްލުމާއި ތަނަށް ލިބުނު ގެއްލުމުގެ ތަފްސީލް އަދި ނޭނގެއެވެ.

މިކަމާ ގުޅިގެން އަދި މިހާތަނަށް އީރާނުން އެއްޗެކޭ ބުނެފައެއް ނުވެއެވެ.

 ޔޫއޭއީ ދިފާއީ ވުޒާރާއިން ބުނެފައިވަނީ އީރާނުން އެ ގައުމަށް ފޮނުވާލި ހަތަރު ކްރޫޒް މިސައިލެއް ދެނެގެންފައިވާ ކަމަށާއި، މީގެ ތެރެއިން ބައެއް ހަމަލާތައް ވައިގެ ދިފާއީ ނިޒާމުން ގޮއްވާލިކަމަށެވެ. އީރާނުން ޔޫއޭއީއަށް ހަމަލާދޭން ފަށާފައިމިވަނީ ހަނގުރާމަ ހުއްޓާކުމަށް އީރާން އާއި އެމެރިކާ އާ ދެގައުމުގެ ދެމެދުގައި ހަމަލާތައް ބަދަލުކުރުން ހުއްޓާލާފައި އޮތުމަށްފަހުއެވެ.