އެމެރިކާއާއި އިރާނުންވެސް ދެ ގައުމުގެ ސުލްހައިގެ ހުށަހެޅުމަށް އީރާނުން ދިން ޖަވާބު، އެމެރިކާގެ ރައީސް ޑޮނަލްޑް ޓްރަމްޕް ވަގުތުން ބަލައިނުގަތުމާ ގުޅިގެން، ދުނިޔޭގެ ބާޒާރުގައި ތެލުގެ އަގު މިއަދު ވަރަށް ބޮޑަށް އުފުލިއްޖެއެވެ.
ދިހަ ހަފުތާއަށް ދެމިގެން ގޮސްފައިވާ މި ހަނގުރާމަ އިތުރަށް ދިގުލައިދާނެ ކަމުގެ ބިރު ބޮޑުވެ، ހޯމުޒް ކަނޑުއޮޅިން ދަތުރުފަތުރު ކުރުން ހުއްޓުމަކަށް އަތުވެދާނެ ކަމުގެ ކަންބޮޑުވުން ވަނީ އުފެދިފައެވެ. އެމެރިކާއިން މަޝްވަރާތައް އަލުން ފެށުމުގެ އުންމީދުގައި ހުށަހެޅި ހުށަހެޅުމަށް އީރާނުން އާދީއްތަ ދުވަހު ދިން ޖަވާބުގައި މައިގަނޑު ގޮތެއްގައި ބާރުއަޅާފައިވަނީ ހުރިހާ ދިމާލަކުން ހަނގުރާމަ ހުއްޓާލުމަށެވެ.
ޚާއްޞަކޮށް އެމެރިކާގެ ބައިވެރިއެއް ކަމަށްވާ އިސްރާއީލުން، އީރާނުގެ ތާއީދު އޮންނަ ހިޒްބުالله ޖަމާއަތާ ދެކޮޅަށް ލުބުނާނުގައި ކުރަމުންދާ ހަނގުރާމަ ހުއްޓާލުމަށް އީރާނުން ވަނީ ގޮވާލާފައެވެ. އީރާނުގެ ދައުލަތުގެ މީޑިއާއިން ބުނި ގޮތުގައި، ތެހެރާނުން ވަނީ ހަނގުރާމައިގެ ގެއްލުމުގެ ބަދަލު ހޯދުމަށާއި، ހޯމުޒް ކަނޑުއޮޅީގެ މައްޗަށް އީރާނުގެ ފުރިހަމަ ބާރު އޮންނަންޖެހޭނެއެވެ.
މީގެ އިތުރުން، އެމެރިކާއިން އީރާނާ ދެކޮޅަށް ހިންގާ ކަނޑުގެ ބްލޮކޭޑް ނިމުމަކަށް ގެނައުމަށާއި، ކުރިއަށް އޮތް ތަނުގައި ހަމަލާ ނުދޭނެ ކަމުގެ ޔަގީންކަން ދިނުމަށާއި، ދަތިކުރުމުގެ ފިޔަވަޅުތައް އުވާލައި އީރާނުގެ ތެޔޮ ވިއްކުން މަނާކޮށްފައި އޮތް އޮތުން ނިމުމަކަށް ގެނައުމަށްވެސް އީރާނުގެ ހުށަހެޅުމުގައި ހިމެނޭ ކަމަށް އެގައުމުގެ ތަސްނީމް ނިއުސް އެޖެންސީން ރިޕޯޓްކުރެއެވެ.
ނަމަވެސް، އީރާނުގެ މި ހުށަހެޅުންތައް ލިބުނުތާ މަދު ގަޑިއިރުތަކެއްގެ ތެރޭގައި ރައީސް ޓްރަމްޕް ވަނީ ސޯޝަލް މީޑިއާގައި އެކަން ބަލައިނުގަންނަކަން ހާމަކޮށްފައެވެ. ޓްރަމްޕްގެ 'ޓްރުތް ސޯޝަލް' އެކައުންޓުގައި ކުރި ޕޯސްޓެއްގައި ބުނީ، އޭނާ އެ ޝަރުތުތައް ގަބޫލު ނުކުރާ ކަމަށެވެ. ނަމަވެސް އެކަމުގެ އިތުރު ތަފްސީލެއް ނުދެއެވެ.
އެމެރިކާއިން ކުރިން ހުށަހަޅާފައިވަނީ އީރާނުގެ ނިއުކްލިއަރ ޕްރޮގްރާމް ފަދަ ހައްސާސް މައްސަލަތަކާ ބެހޭގޮތުން ވާހަކަދެއްކުމުގެ ކުރިން، ހަނގުރާމަ ހުއްޓާލުމަށެވެ.
މި މައްސަލައިގައި ދެ ގައުމުގެ މެދުގައި އެއްބަސްވުމަކަށް ނާދެވި، މަސްލަހަތު ގޯސްވުމާ ގުޅިގެން މިއަދު ތެލުގެ އަގު ފީފާއަކުން 3 ޑޮލަރަށް ވަނީ އުފުލިފައެވެ. ދުނިޔޭގެ ތެލުގެ ސަޕްލައިގެ ފަސްބައިކުޅަ އެއްބައި އުފުލާ ހޯމުޒް ކަނޑުއޮޅި މިހާރު އޮތީ ބަންދުވެފައި ކަހަލަ ހާލަތެއްގައެވެ.
Advertisement
This content is created and paid for by advertisers and does not involve Voice Journalists
