ކުޑަހުވަދޫ ބޮޑު ޢީދު ފުޓްސަލް ޗެލެންޖް 1447 ގެ ގްރޫޕް ދޭއްގައި ރޭ ރުއްދަށް ސްޕޯޓްސް އާއި އައްކަން ބައްދަލުކުރިމެޗް، ފަސޭހަކަމާއެކު ރުއްދަށް ކާމިޔާބުކޮށްފިއެވެ.

މިމެޗް ރުއްދަށް ކާމިޔާބުކުރީ 7-2 ގެ ނަތީޖާއަކުންނެވެ. މިމެޗްގައި ރުއްދަށް ސްޕޯޓްސްގެ ފަރާތުން މޮޅު ކުޅުމެއް ފެނިގެން ގޮސްފައިވާއުރު، ހަސަން އިމްރާން ވަނީ ހެޓްރިކް ހަދާފައެވެ. މެޗްގެ މޮޅު ކުޅުންތެރިޔާފގެ މަގާމްވެސް ހޯދީ އިމްރާނެވެ.

މެޗްގެ މޮޅުކުޅުންތެރިޔާގެ މަގާމް ހޯދި އިމްރާން..

މެޗްގައި ރުއްދަށް ސްޕޯޓްސްގެ ރުވައިދުވެސް ވަނީ ދެ ލަނޑުޖަހައި ތީމް މޮޅުކޮށްދިނުމުގައި މުހިންމު ދައުރެއް އަދާކޮށްފައެވެ.

މި ނަތީޖާއާ އެކު ރުއްދަށް އެސްސީ ގްރޫޕް ދޭއްގެ އެއްވަނައިގައި 9 ޕޮއިންޓާ އެކު އޮތް އިރު، އެ ޓީމު ވަނީ ކުޅުނު ތިން މެޗުން ވެސް މޮޅުވެފައެވެ. އައްކަން އެސްސީ އޮތީ ކުޅުނު ތިން މެޗުން ވެސް ބަލިވެ، ޕޮއިންޓެއް ނުލިބި ގުރޫއްޕުގެ އެންމެ ފުލުގައެވެ.