ފިނޭންސް މިނިސްޓަރުކަމަށް އައްޔަނުކުރައްވާފައިވާ ހަސަން ޒަރީރަށް ރުުންދޭން ފެންނަ ކަމަށް ރައްޔިތުންގެ މަޖިލީހުން މިއަދު ފާސްކޮށްފި އެވެ.
ސަރުކާރުގެ މަސްޢޫލިއްޔަތު އަދާ ކުރާ މިންވަރު ބަލާ ކޮމިޓީން ވެސް ފާސްކުރީ ޒަރީރަށް ރުހުން ދޭން ފެންނަ ކަމަށެވެ. ކޮމެޓީގެ ނިންމުމާއި ގުޅިގެން މަޖިލީހުގެ ތަޅުމުގެ މިއަދު ނެގި ވޯޓްގައި ޒަރީރަށް ރުހުން ދޭން ފާސްކުރީ ޖަލްސާގައި ވޯޓުދެއްވި 49 މެންބަރުންގެ އިއްތިފާގުންނެވެ.
ފިނޭންސް މިނިސްޓަރުކަމުގެ މަގާމަށް ރައީސުލްޖުމްހޫރިއްޔާ ޒަރީރު އައްޔަނުކުރައްވާފައިވަނީ، މި ހިނގާ ޖޫންމަހުގެ އަށްވަނަ ދުވަހުއެވެ. އެ މަގާމަށް ޒަރީރު އައްޔަނުކުރެއްވީ، އެހާތަނަށް ފިނޭންސް މިނިސްޓަރުކަމުގައި ހުންނެވި މޫސާ ޒަމީރު މަގާމުން އިސްތިއުފާ ދެއްވުމުންނެވެ.
ފިނޭންސް މިނިސްޓަރުކަމަށް އައްޔަނުކުރެއްވުމުގެ ކުރިން ޒަރީރު ހުންނެވީ ކޮމިޝަނަރ ޖެނެރަލް އޮފް ޓެކްސޭޝަންގެ މަގާމުގަ އެވެ. އޭގެ ކުރީން ޑެޕިއުޓީ ކޮމިޝަނަރުގެ މަގާމުވެސް ޒަރީރު ވަނީ ފުރުއްވާފަ އެވެ. ޒަރީރަކީ ދައުލަތުގެ އެކި މަގާމުތައް ފުރުއްވާފައިވާ ވަރަށް އިލްމީ ބޭފުޅެކެވެ.
Advertisement
This content is created and paid for by advertisers and does not involve Voice Journalists
