ހަންޏާމީދޫގައި މިއަދު ހިނގި ހިތާމަވެރި ހާދިސާއެއްގައި ބަގީއަކާއެކު މޫދަށް ވެއްޓުނު ކުޑަކުއްޖަކު ނިޔާވެއްޖެ އެވެ.
މި ހާދިސާ ހިނގީ މިއަދު ހަވީރު އެވެ. އެ ރަށުން ވާހަކަ ދެެއްކި މީހަކު ބުނީ ތަޅުދަނޑި ޖަހާފައި އޮތް ބަގީއަކަށް ކުއްޖަކު އަރާ ބަގީ ސްޓާޓްކޮށް ދުއްވާލި ތަނާ މޫދަށް ވެއްޓިފައިވާ ކަމަށެވެ.
އަދި ބަގީއާއެކު ކުއްޖާ މޫދަށް ވެއްޓުނު ވަގުތު ދޯންޏެއްގަައި ޖެހި ކުއްޖާއަށް ވަރަށް އަނިޔާވި ކަމަށެވެ. ކުއްޖާ ނިޔާވީ ހަންޏާމީދޫ ސިއްހީ މަރުކަޒަށް ގެންގޮސް ފަރުވާ ދެނިކޮށެވެ.
ކުއްޖާ ނިޔާވި ފަހުން ތަހުގީގަށް ބައެއް ޓެސްޓްތައް ހެދުމަށް މަހިބަދޫ ހޮސްޕިޓަލަށް ވެސް ގެންދިޔަ އެވެ.
މި ހާދިސާގައި ނިޔާވީ އުމުރުން 13 އަަހަރުގެ ކުއްޖެކެވެ. އެއީ އެރަށު ޑެއިޒީވިލާ ޢަލީ އަނަސް ބިން މުޙައްމަދު އަރީޝް އެވެ. ކުއްޖާގެ ޖަނާޒާ މިރޭ 12 ޖެހިއިރު ވަނީ ބާއްވާފަ އެވެ.
Advertisement
This content is created and paid for by advertisers and does not involve Voice Journalists
