ރޭ އިއްޒުއްދީން ފާލަމާ ދިމާ ބޭރުން "ލީޖަން 1" ނަމަކަށް ކިޔާ ލޯންޗަކާއި އިތުރު އުޅަނދެއް ޖެހި ހިނގި އެކްސިޑެންޓްގައި ހިމެނޭ ދޯނި ހޯދަން އާންމުންގެ އެހީތެރި ކަމަށް އެދިއްޖެ އެވެ.
ފުލުހުން މިރޭ ބުނީ ރޭގެ އެކްސިޑެންޓާއި ގުޅިގެން ތަހުގީގެއް ފަށާފައިވާ ކަމަށެވެ.
މި އެކްސިޑެންޓްގައި ހިމެނޭ ދޯނި, އެކްސިޑެންޓަށް ފަހު މަޑުނުކޮށް ގޮސްފައިވާއިރު، އެ އުޅަނދު ހޯދުމުގެ މަސައްކަތް ފުލުހުން ދަނީ ކުރަމުން ކަމަށްވެސް ބުންޏެވެ.
ފުލުހުން ވަނީ މަޑުނުކޮށް ދިޔަ އުޅަނދާ ބެހޭ އެއްވެސް މައުލޫމާތެއް އެނގޭ ފަރާތެއްވާނަމަ، މެރިން ޕޮލިސް އިންވެސްޓިގޭޝަންގެ ނަންބަރު 9926094 އަށް ގުޅައި އެ މައުލޫމާތެއް ހިއްސާކުރުމަށް އެދިފަ އެވެ.
ރޭގެ އެކްސިޑެންޓްގައި ފަސް މީހަކަށް އަނިޔާވެސް ވި އެވެ. އަދި ލޯންޗަށް ގެއްލުންވެސް ވި އެވެ.
Advertisement
This content is created and paid for by advertisers and does not involve Voice Journalists
