މާލޭގެ އަމީނީމަގަކީ ނިމިދިޔަ އެމްޑީޕީ ސަރުކާރުން ފެށި މަޝްރޫއު އެއް ކަމަށާ، އެ މަޝްރޫޢުން އެނގިގެންދަނީ އެ ސަރުކާރުގެ މަސައްކަތުގެ ފެންވަރު ކަމަށް އިންފްރާސްޓްރަކްޗާ މިނިސްޓަރު ޑރ. އަބްދުالله މުއްޠަލިބު ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި އަމީނީމަގުގެ ޙާލަތާއި ގުޅޭ ގޮތުން ކުރެވުނު ސުވާލަށް ޖަވާބުދެއްވަމުން މުއްޠަލިބު ވިދާޅުވީ މިވެރިކަން ފެށުނުއިރު އަމީނީ މަގުގެ އެއް ސެގްމަންޓްގެ މަސައްކަތް ނުނިމިހުރި ކަމަށެވެ. އަދި އާރްޑީސީން އޭރު މަސައްކަތް ކުރިއަށް ގެންދިޔަ ގޮތަށް ގޮސް މަގުގެ މަސައްކަތް ނިންމާލެއްވި ކަމަށްވެސް ވިދާޅުވިއެވެ.
އާރްޑީސީން އަމިއްލައަށް ތާރު އެޅުމަށްޓަކައި ކެޕޭސިޓީ ހުރިކަން ނިންމައި، އިންޑިޔާއިން މެނުއަލް މެޝިނެއް ގެނެސް ބަހައްޓައިގެން ތާރު އެޅުމުގެ މަސައްކަތް ކުރިއަށް ގެންދިޔައީ. އަޅުގަނޑަކަށް ނޭނގެ ކޮން އުސޫލަކުން ކަމެއް، އެއްވެސް ތަޖުރިބާއެއް ނެތް ބަޔަކު މެނުއަލް މެޝިނެއް ގެނެސް ބަހައްޓައިގެން ތާރު އެޅުމުގެ މަސައްކަތް ކުރިއަށް ގެންދިޔައީ.
ވަޒީރު ޑރ. މުއްޠަލިބު
ވަޒީރު ވިދާޅުވީ، އާރްޑީސީއަށް އެ މަސައްކަތް ނިންމުމުގެ ފުރުސަތު ދެއްވީ އަމީނީ މަގު ބަންދު ކޮށްފައި ނުބޭއްވުމަށް ކަމަށެވެ.
އެއަށްފަހުގައި އެތަނަށް ވެފައޮ އޮތްގޮތް ތިޔަ ބޭފުޅުންނަށް ފެންނާނެ. އަދި މިހާރު އަޅުގަނޑުމެން، އެމްޓީސީސީން ހަދާފައި އޮތް މަގު ތިޔަބޭފުޅުންނަށް ފެންނާނެ. ބޭރު މަގުގައި ދުއްވާލުން ވަރަށް ބޮޑަށް އެދެން. އެ ކޮލިޓީއާ އެއްޗެހި ބައްލަވާ ލެއްވުމަށް އެދެން. އެ ކޮލިޓީގައި އަމީނީމަގު ރަނގަޅު ކުރުމަށް އަޅުގަނޑުމެން މަސައްކަތް މިކުރަނީ
ވަޒީރު ޑރ. މުއްޠަލިބު
މިއާއެކު ވަޒީރު ވިދާޅުވީ އަމީނީމަގުން އެނގިގެންދަނީ ނިމިދިޔަ އެމްޑީޕީ ސަރުކާރުގެ ފެންވަރު ކަމަށެވެ.
”މި ސަރުކާރުން ކުރާ މަސައްކަތުގެ ފެންވަރު ފެންނާނީ ބޭރު މަގުން. އަމީނީ މަގަކީ އެމްޑީޕީ ސަރުކާރުގެ ފެންވަރު އިނގޭތޯ“ މުއްޠަލިބު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
