ދޮންދޫނި ލިޓްލް ލާރނާރސް ޕްރީސްކޫލުގެ ކެމްޕަހެއް ހުޅުމާލޭގައި ގާއިމުކުރުމުގެ މަސައްކަތް ފަށައިފި އެވެ.
އެ ސުކޫލުން ބުނީ މާލޭ ކެންޕަހާއި ހުޅުމާލޭ ކެންޕަހާއާ އެކު ދޮންދޫނި ލިޓްލް ލާނާސް ޕްރީސްކޫލްގެ ދެ ކެންޕަހުގައި ވެސް އަންނަ އަހަރުން ފެށިގެން ކިޔަވައިދޭނެ ކަމަށެވެ.
ހުޅުމާލޭގައި އަލަށް ގާއިމު ކުރެވޭ ދޮންދޫނި ޕްރީސްކޫލް ހުންނާނީ ހުޅުމާލެ ސެކަންޑް ފޭސްގައި ހުންނަ ކާމިލްދީދީ ޕްރައިމަރީ ސްކޫލްގެ އިރަށްވާގޮތަށް، ހުޅުމާލޭ ބާބަކިޔުއާއި ގާޑިޔާތަށް ހުންނަ ސަރަހައްދުގައި، ހިޔާ ފްލެތްތައް ކައިރީގަ އެވެ.
މި ކެންޕަސް އެޑިޔުކޭޝަން މިނިސްޓްރީގައި ރަޖިސްޓްރީ ކުރުމުގެ މަސައްކަތްތައް ނިމި، ކުރިޔަށް އޮތް 2027 ވަނަ އަހަރުގެ ތައުލީމީ އައު އަހަރުގައި ކިޔެވުން ފެށޭވަރުވާނެ ކަމަށް އެ ސުކޫލުން ބުނެ އެވެ.
ދޮންދޫނި ޕްރީސުކޫލުގެ ކެމްޕަހެއް ހުޅުމާލޭގައި ގާއިމުކުރުން --
ހުޅުމާލޭގައި ދޮންދޫނި ޕްރީސްކޫލްގެ ގޮތްޕެއް ހުޅުވުމަކީ ގިނަ ރައްޔިތުންތަކެއް އެދިއެދި ތިބި ކަމެއްކަން ފާހަގަ ކުރެވެ އެވެ.
ހުޅުމާލޭގައި ގާއިމު ކުރެވޭ ދޮންދޫނި ޕްރީސްކޫލްގެ ކެންޕަސްގެ އިމާރާތް ކުރުމުގެ މަސައްކަތް ނިންމައި، ދަރިވަރުން ރަޖިސްޓްރީވުމުގެ ފުރުސަޠު ކުރިޔަށް އޮތް ނޮވެބަރު މަހުގެ ތެރޭގައި ރަސްމީކޮށް ހުޅުވާލެވޭނެ ކަމަށް ލަފާ ކުރެވޭ ކަމަށް އެ ސުކޫލުން ބުނެ އެވެ.
އަދި މިހާރުވެސް ސްކޫލަށް ވެއްދުމަށް އެދި ގިނަ ބެލެނިވެރިންތަކެއް ދަނީ ދަރިވަރުން ނޯޓުކޮށް ވެއިޓް ލިސްޓް ކުރަމުން ކަމުގައި ވެސް ދޮންދޫނި ޕްރީސްކޫލުން ބުނެ އެވެ.
Advertisement
This content is created and paid for by advertisers and does not involve Voice Journalists
