ބޭރުގެ އިންވެސްޓަރުން ރާއްޖެއާމެދު މިހާރު ގެންގުޅެނީ ވަރަށް ފައްސި ވިސްނުމެއް ކަމަށާ، ކައިރި މުސްތަގުބަލެއްގައި ބޮޑެތި އިންވެސްޓްމަންޓްތައް ރާއްޖެ އަންނާނެ ކަމުގެ އުއްމީދު އެބައޮތް ކަމަށް މާލީ ވަޒީރު ޙަސަން ޒަރީރު ވިދާޅުވެއްޖެއެވެ.
މި އަހަރުގެ އޭޕްރީލް މަހު ފިނޭންސް މިނިސްޓްރީން ވަނީ، ސޮވެރިން ޑިވެލޮޕްމެންޓު ފަންޑާއި، ރިޒާވްގައި ރައްކާކޮށްފައި ހުރި ފައިސާ ބޭނުންކޮށްގެން ރާއްޖެއިްނ އަދާކުރަންޖެހޭ 524 މިލިއަން ޑޮލަރުގެ ސުކޫން ދައްކައި ހަލާސްކޮށް ނިންމިކަން ހާމަކޮށްފައެވެ.
އަދި އެފަހުން މެއި މަހުގައި ވަނީ 400 މިލިއަން ޑޮލަރުގެ ސްވަޕްވެސް ދައްކާފައެވެ.
އެކަން ފާހަގަކުރައްވައި މަޖިލީހުގެ މިއަދުގެ ޖަލްސާގައި މެންބަރަކު ކުރެއްވި ސުވާލަށް ޖަވާބު ދެއްވަމުން ވަޒީރު ވިދާޅުވީ، ދައުލަތުން ދައްކަންޖެހޭ ލޯނުތައް ދައްކަމުން ދިޔުމަކީ އަބަދުވެސް ކުރަންޖެހޭ ކަމެއް ކަމަށާ، ނަމަވެސް، މިދޭތެރެއިން މިސަރުކާރުން ސުކޫކަށް ދައްކަންޖެހޭ ބޮޑު ލޯނެއް ދައްކާފައިވާ ކަމަށެވެ.
އޭގެ ސަބަބުން ރާއްޖޭގެ ކްރެޑިޓް ރޭޓިން މަތިވެ، އިންވެސްޓަރުންގެ އިތުބާރު ލިބިފައިވާ ކަމަށް ޒަރީރު ވިދާޅުވިއެވެ.
އިންވެސްޓަރުންގެ ކޮންފިޑެންސް އިތުރުވެގެންދިޔަކަން އެނގެނީ މިހާރު އަޅުގަނޑުމެންނާ ބައްދަލުވާ ގިނަ އިންވެސްޓާސް ދިވެހިރާއްޖެއާ މެދު ޕޮޒިޓިވް ވިސްނުމެއް ގެންގުޅުއްވައި، ބޮޑެތި އިންވެސްޓްމަންޓް ކުރުމުގެ ވިސްނުން ގެންގުޅުއްވާ
އެހެންކަމުން، ސުކޫކު ދެއްކުމުންނާއި އެހެނިހެން ލޯނުތައްވެސް ދެއްކެމުންދާތީ ރާއްޖޭގެ އިގްތިޞާދަށް އޮތް އިތުބާރު ބޮޑުވެފައިވާ ކަމަށް ވަޒީރު ވިދާޅުވިއެވެ.
ނަތީޖާއެއްގެ ގޮތުން ”ކައިރި މުސްތަގުބަލެއްގައި، ބޮޑެތި އިންވެސްޓްތައް އަންނާނެ ކަމުގެ އުއްމީދު އެބައޮތް“ ކަމަށްވެސް ވަޒީރު ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists
