މިސްކިތްތަކަށް ގެއްލުން ދިނުން ހުއްޓުވަން ގާނޫނެއް ފަރުމާކޮށް އަދަބު ކަނޑައެޅުން މުހިންމު ކަމުގައި ދީނީ އިލްމުވެރިޔާ އަލީ ޒައިދު ވިދާޅުވެއްޖެ އެވެ.
އޭނާ މިހެން ވިދާޅުވީ އެކްސްގައި ކުރެއްވި ޕޯސްޓެއްގަ އެވެ. ޝެއިހް ޒައިދު އެފަދަ ޕޯސްޓެއް ކުރެއްވީ ތަކުރާރުކޮށް މިސްކިތްތަކަށް ގެއްލުންދޭ މީހެއްގެ މަައްސަލާގައި މުޖްތަމައުގައި ކަންބޮޑުވުން އުފެދިފައިވާ ވަގުތެއްގަ އެވެ. އުމުރުން 30 އަހަރުގެ ގ. މާލެހިޔާ، ނައުޝާދު މޫސާ މި ފަހުން ހައްޔަރުކޮށްފައި ވަނީ މިސްކިތުގެ ތެރެއަށް ބޮޑުކަމު ގޮސް މިސްކިތަށް ގެއްލުން ދީގެންނެވެ. މީގެ ކުރީން ވެސް ތަކުރާރުކޮށް އޭނާ އެފަދަ ކަންކަން ކޮށްފައިވެ އެވެ.
ނަމަވެސް ދުވަސްކޮޅެއްގެ ތެރޭ މިނިވަންވެ މުޖްތަމައުއަށް އެނބުރި އާދެ އެވެ.
ޒައިދުގެ ޕޯސްޓްގައި ވިދާޅުވީ މިސްކިތްތަކަކީ މި ބިންމަތީގައި އެންމެ މުގައްދަސު ބިނާތައް ކަމަށާ މި ތަންތަނުގެ ހުރުމަތް ތަކުރާރުކޮށް ކަނޑަމުން ބޮޑު ކަމުގޮސް ނަޖިސް އަޅަމުން މިސްކިތްތަކަށް ގެއްލުން ދެމުންދާއިރު އެފަދަ ކަންކަން ހުއްޓުވުމަށް ގާނޫނެއް ފަރުމާކޮށް އަދަބު ކަނޑައެޅުން މުހިންމު ކަމަށެވެ.
މިސްކިތްތަކަށް ގެއްލުންދޭ މީހާ --
އެފަދަ މީހުން އެފަދަ ކުއްތައް ތަކުރާރުކުރާތަން ފެންނަނީ މިހާރު ހުރި ގާނޫނުތަކުން ފަރުވާ ނުލިބޭތީ ކަމުގައި އޭނާ ވިދާޅުވި އެވެ.
"މިކަމަށް ސަރުކާރުން އަވަސް ހައްލެއް ގެނައުން މުހިންމު," ޒައިދުގެ ޕޯސްޓްގައި ލިޔުއްވާފައިވެ އެވެ.
މާލޭގެ އިތުރުން ހުޅުމާލޭގެ ބައެއް މިސްކިތްތަކުގެ ހުރުމަތް ކަނޑައި މިސްކިތްތަކަށް ގެއްލުންދިނުމުގެ މައްސަލައަކީ މިއަދު ވަރަށް އާއްމުވެފައިވާ މައްސަލައެކެވެ. މިސްކިތްތަކަށް ގެއްލުންދިނުމުގެ މައްސަލަތައް އިތުރުވަމުން އަންނައިރު، ކައިރިކައިރީގައި މިސްކިތްތަކަށް ހަމަލާދޭ ދިނުން ނުހުއްޓުވޭ މައްސަލާގައި އާންމުންދަނީ ކަންބޮޑުވުން ފާޅުކުރަމުންނެވެ. އެގޮތުން މިފަހުން ހުޅުމާލޭގައި ހުންނަ އަޒީޒާ މިސްކިތުގެ ބިއްލޫރިތައް ތަޅާލައި ގެއްލުން ދީފައިވާކަން ފާހަގަޮށްލެވެއެވެ.
Advertisement
This content is created and paid for by advertisers and does not involve Voice Journalists
