ސަރުކާރަށް ތިން އަހަރުވާން ދާއިރު ރާއްޖޭގައި ސިޔާސީ ހަމަޖެހުން ގާއިމުކޮށް ދެވިފައިވާ ކަަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މިރޭ ވިދާޅުވެއްޖެ އެވެ.
ޕީއެންސީގެ ކޮންގްރެސް ނުވަތަ މަތީ މަޖިލީސް ފެށުމުގެ ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ ރާއްޖޭގައި އޮތް ސިޔާސީ ވެރީން ޖަލަށް ލުމުގެ ސަގާފަތް ނިމުމަކަށް ގެނެސްފައިވާ ކަމަށެވެ. އަދި ބަދަލު ހިފުމުގެ ރޫހު ނައްތާލާާފައިވާ ކަމަށް ވިދާޅުވި އެވެ.
ރައީސް ވިދާޅުވީ ރާއްޖޭގައި މިހާރު ސިޔާސީ ގޮތުން ހަމަޖެހުން އެބަ އޮތް ކަަމަށެވެ.
"ތިން އަހަރުވާން މި ދަނީ އެއްވެސް ސިޔާސީ ލީޑަރެއް ޖަލަކަށް ނުލަން. އެއްވެސް ސިޔާސީ ލީޑަރެއް ޖަލަކަށް ނުލަން. ސިޔާސީ ގޮތުން ބަދަލު ހިފުމުގެ އެއްވެސް ކަމެއް ނުކުރަން. މިހާރު އެއްވެސް ސިޔާސީ ލީޑަރަކަށް ނޯންނާނެ ބިރުވެރިކަމެއް އެ ބޭފުޅަކު ބޭނުންވާ ސިޔާސީ މަސައްކަތެއް ކުރުމުގައެއް. އަޅުގަނޑު ބޭނުންވީ މި ޤައުމަށް ހަމަޖެހުން ގެންނަން. މި ޤައުމުގައި މިހާރު އެއްވެ އުޅުމަކަށް އެއްވެސް ހުރަހެއް ނެތް. ކުރިއަށް ވުރެ ގިނަ ތަންތަނަކަށް ކުރީބައިގައި އެންގުމެއް ނެތި އެއްވެވޭނެ," ރައީސް ވިދާޅުވި އެވެ.
މިރޭގެ ޖަލްސާގައި ރައީސް ވާހަކަފުޅު ދައްކަވަނީ --
އަދި ވިދާޅުވީ ހިޔާލުފާޅުކުރުމަށް ވެސް އިސްލާމްދީނުގެ ހުދޫދުގެ ތެރެއިން އެއްވެސް ހިފެހެއްޓުމެއް ނޯންނާނެ ކަމަށެވެ.
"ހިޔާލުފާޅުކުރުމުގެ މިނިވަން ކަމަށް އެއްވެސް ހުރަހެއް ނެތް. ހަމައެކަނި، އަޅުގަނޑުމެން އެންމެންވެސް ޤަބޫލުކުރަން ޖެހޭނެ އަޅުގަނޑުމެންނަށް އަބަދުވެސް އޮންނަ ހުރަހެއް އޭގައި އޮންނާނެ. އެއީ އަޅުގަނޑުމެންނަކީ މުސްލިމުންނަށްވީތީ اللّه سُبْحَانَهُ وَتَعَالَىٰ އެންގެވި މިންގަނޑުގެ ތެރޭގައި އޮންނަން ޖެހޭނީ،" ރައީސް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
