އައިއެފްކިޔު ޔޫކޭ ކޮލިފިކޭޝަން ވާރކްޝޮޕް ބާއްވައިފި
ރާއްޖޭގައި އިސްލާމިކް ބޭންކިންގ ފައިނޭންސް ވާރކްޝޮޕެއް ބާއްވައިފިއެވެ.
މިމަހުގެ 24 އިން 26 އަށް ބޭއްވި މި ޕްރޮގްރާމަކީ ރާއްޖޭގައި ފުޅާދާއިރާއެއްގައި ފަންނީ ތަޢުލީމްދިނުމަށް އުފައްދާފައިވާ "މޯލްޑިވްސް ކެޕޭސިޓީ ޑިވެލޮޕްމަންޓް އެންޑް ގަވަރނަންސް އިންސްޓިޓިއުޓް – “MCDGI އާއި ޗާރޓާރޑް އިންސްޓިޓިއުޓް އޮފް ސެކިއުރިޓީސް އިންވެސްޓްމަންޓްއާއި ގުޅިގެން ބޭއްވި ޕްރޮގްރާމެކެވެ.
މި ޕްރޮގްރާމްއަކީ ޔޫކޭ އިން އޮފަރކުރާ ޓެކްނިކަލް އަދި ޝަރީއްޔާގެ ދާއިރާއިން ސިލަބަސް ކަވަރކުރާ ގޮތަށް ކުރިއަށް ގެންދިޔަ ތަމްރީން ޕްރޮގްރާމެކެވެ.
މިޕްރޮގްރާމްގެ ނިމުން ޝަރަފަވެރިކޮށްދެއްވާފައިވަނީ ޕްރޮގްރާމްގެ ކީ-ނޯޓް ސްޕީކަރ، އިސްލާމިކް ޔުނިވަރސިޓީ އޮފް މޯލްޑިވްސްގެ ވައިސް ޗާންސެލަރ ޑރ. އިބްރާހީމް ޒަކަރިއްޔާ މޫސާއެވެ. އިސްލާމިކް ބޭންކިންގ ފައިނޭންސް – (އައި.އެފް.ކިޔޫ) ޔޫކޭ ކޮލިފިކޭޝަންގެ 2ވަނަ ވާރކްޝޮޕް މިއަހަރުގެ ފަހިކޮޅު ނުވަތަ ފެށޭ އަހަރުގެ ކުރީކޮޅު ބޭއްވުމަށް ރާވަމުންދާކަމަށް MCDGI އިން ހާމަކުރެއެވެ.
އިތުރު މަޢުލޫމާތު ހޯއްދެއްވުމަށް އިންސްޓިޓިއުޓްގެ ވެބްސައިޓް www.mcdgi.edu.mv ނުވަތަ 7976620 ނަންބަރު ފޯނާ ގުޅުއްވުމުން ލިބޭނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
