ށ.ސިއްރުފެންފުށީގައި ހިންގާ ފެއާމޮންޓް މޯލްޑިވްސް ސިއްރު ފެންފުށި ރިސޯޓުގައި ގާއިމްކޮށްފައިވާ ކޮރެލޭރިއަމް އަނެއްކާވެސް ހުޅުވައިފިއެވެ.
އެ ރިސޯޓުން މައުލޫމާތު ދޭގޮތުގައި މި ކޮރެލޭރިއަމް ހުޅުވާފައިވަނީ މުރަކަތަކެއް ސިފަވާގޮތަށް ހަދާފައިވާ ސްކަލްޕްޗަރތަކަކާއި އެކުގައެވެ. މި ސްކަލްޕްޗާތައް ހުންނަނީ އެ ތަނުގެ އޮނިގަނޑުގެ ތެރެއިން، ކަނޑުއަޑިން މައްޗަށް އަރާ ގޮތަށް ހަރުކޮށްފައި ހުންނަ 10 ހޮޅި ބޭނުންކޮށްގެން ހިފެހެއްޓިފައެވެ.
މިތަކެތި ހަދާފައިވަނީ ތިމާވެއްޓަށް ގެއްލުން ނުވާނެ ކަހަލަ ގޮތަކަށެވެ.
އެ ރިސޯޓްގައި ޗުއްޓީ ހޭދަކުރާ ފަތުރުވެރިންނަށް، ރިސޯޓްގެ މެރިން ބަޔޮލޮޖިސްޓުންނާއި އެކު އެ ސަރަހައްދަށް ފީނައި މައުލޫމާތު ލިބުމުގެ ފުރުސަތުއޮތްކަމަށް އެ ރިސޯޓުން ވަނީ ބުނެފައެވެ.
މީގެ ކުރިން މި ކޮރޭލިއަމް ހަދާފައިވަނީ އިންސާނުން ސިފަވާގޮތަށް ހުންނަ ސްކަލްޕްޗަރތަކެއް ހިމަނައިގެންނެވެ. ނަމަވެސް އެ ބުދުތައް މިދިޔަ އަހަރުގެ ސެޕްޓެމްބަރު މަހުގެ ތެރޭގައި ފުލުހުން މެދުވެރިކޮށް ވަނީ ނަގާފަ އެވެ.
Advertisement
This content is created and paid for by advertisers and does not involve Voice Journalists
