އާ ޓާމިނަލް ހުޅުވުމުގެ ރަސްމިއްޔާތަށް ދުނިޔޭގެ ތިއްބެވި ރާއްޖޭގެ ރައީސުލްޖުމްހޫރިއްޔާކަން ކުރެއްވި ހުރިހާ ރައީސުންނަށް ދައުވަތު ދޭނެ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޑެޓް (އެމްއޭސީއެލް) އިން ބުނެފި އެވެ.
އެމްއޭސީއެލް އިން ވޮއިސްއަށް ވަނީ އެކަން ޔަގީން ކޮށް ދީފަ އެވެ.
އެ ކުންފުނިން މިރޭ ބުނީ އާ ޓާމިނަލް ހުޅުވުމުގެ ރަސްމިއްޔާތަށް ދުނިޔޭގެ ތިއްބެވި ރާއްޖޭގެ ރައީސުލްޖުމްހޫރިއްޔާކަން ކުރެއްވި ހުރިހާ ރައީސުންނަށް ދައުވަތު ދޭނެ ކަމަށެވެ.
ކުރީގެ ރައީސުންގެ ތެރެއިން ދުނިޔޭގައި މިވަގުތު ތިއްބެވީ ރައީސް މައުމޫން އަބްދުލްގައްޔޫމް އާއި ރައީސް މުހައްމަދު ނަޝީދު އާއި ރައީސް ޔާމީން އާއި ރައީސް މުހައްމަދު ވަހީދު އަދި ރައީސް އިބްރާހިމް މުހައްމަދު ސޯލިހެވެ.
އާ ޓާމިނަލްގެ މަސައްކަތް ފެށުނީ ރައީސް ޔާމީންގެ ވެރިކަމުގަ އެވެ. ޓާމިނަލަށް ރީތި ބައެއް ބަދަލުތައް ގެނެސް އެ މަސައްކަތް ނިންމަން ރައީސް ސޯލިހްގެ ސަރުކާރުގައި މަސައްކަތް ކޮށްފައިވެ އެވެ. ރައީސް މުއިއްޒު ވެރިކަމަށް ވަޑައިގެން އެންމެ އިސްކަން ދެއްވެވީ އާ ޓާމިނަލްގެ މަސައްކަތް ހަލުވި ކުރައްވާ އަވަހަށް ހުޅުވުމަށެވެ.
ވީއައިއޭ ޓާމިނަލް ހުޅުވުން އޮތީ ދިވެހީންގެ މިނިވަން ކަމުގެ 60 އަހަރު ފުރޭ މި މަހުގެ 26 ވަނަ ދުވަހު އެވެ.
އެއީ މި ފަހުން ރާއްޖޭގައި ބާއްވާ އެންމެ ކުލަގަދަ ރަސްމިއްޔާތަށް ހެދުމަށް ސަރުކާރުން ވަނީ ނިންމާފަ އެވެ.
Advertisement
This content is created and paid for by advertisers and does not involve Voice Journalists
