ދައުލަތުން 50 ބިލިއަން ރުފިޔާ ދަރުވާލައިގެން ކުރެވުނީ ކޮންކަމެއް؟: އަލީ ހުސެއިން
ދައުލަތުން 50 ބިލިއަން ރުފިޔާ ދަރައިގެން ކުރެވުނީ ކޮންކަމެއްތޯ ކެންދޫ ދާއިރާގެ މެމްބަރު އަލީ ހުސެއިން ސުވާލު އުފައްދަވައިފިއެވެ.
"އަހަރުމެން ރަށަކު ފެނާއި ނަރުދަމާއެއް ނެތް، ކިހާދުއާއި ކުޑަރިކިލަކު އާރާފައިބާނެ ރައްކާތެރި ބަނދަރެއްނެތް" ޢަލީ ހުސައިންގެ ޓުވީޓުގައި ވިދާޅުވެފައިވެއެވެ. މެންބަރު ޢަލީ ހުސެއިން އަކީ މަޖިލީހުގެތެރެއިން ރައްޔިތުންގެ ހައްގުގައި އެންމެ ގަދަޔަށް ބަސްބުނަމުން އަންނަ އެއް ފަރާތްތެވެ.
އަލީ ހުސެއިން ގެ ޓުވީޓު އަމާޒުކުރައްވާފައިވަނީ މަރުކަޒީ ބޭންކުން އާއްމުކުރި ތަފާސް ހިސާބުތަކާ ގުޅިގެންނެވެ.
އެމްއެމްއޭގެ ތަފާތު ހިސާބުތަކުން ދައްކާގޮތުގައި ދައުލަތުގެ ދަރަނި ވަނީ 50 ބިލަން ރުފިޔާ އަށްވުރެން މައްޗަށްގޮެސްފައެވެ. ދަރަނީގެ ތެރެއިން 29.7 ބިލިއަން ރުފިޔާއަކީ އެތެރޭގެ ދަރަންޏެވެ. އަދި 21.3 ބިލިއަން ރުފިޔާއަކީ ބޭރުގެ ދަރަންޏެވެ.
މިއަހަރުގެ ފުރަތަމަ ކުއާޓާރގައި ދަރަނި ހުރީ 48 ބިލިއަން ރުފިޔާގައެވެ.
ގިނަ ޢާންމުންނާއި މަޖިލިސް މެންބަރުންގެ ވެސް ޝަކުވާއަކަށްވަނީ މާލެ ސަރަހައްދައް ރާއްޖޭގެ ބަޖެޓުގެ ބޮޑުބައި ހަރަދުނުކޮށް ރާއްޖެއަށް ހަމަހަމައަށް ތަރައްޤީގެ މަޝްއޫތައް ކުރިއަށް ގެންދިއުމެވެ.
Advertisement
This content is created and paid for by advertisers and does not involve Voice Journalists